لازم نثق في اللاعبين.. إبراهيم المنيسي يوجه رسالة تحذيرية لجماهير الأهلي

وجه الإعلامي إبراهيم المنيسي، رساله تحذيرية إلى جماهير النادي الأهلي، بسبب نقد لاعبي الفري الأول لكرة القدم، منذ بداية الموسم.

تصريحات إبراهيم المنيسي

قال إبراهيم المنيسي: “خدوا بالكم يا جماعة جمهور الأهلي، في ناس حابة تصدر للأهلي هذا التوتر، في ناس عايزة تحط الأهلي على صفيح ساخن على طول”.

وتابع عبر برنامج ملك وكتابة: "الحملة ضد الأهلي، بدأت بكلام عن صفقات مضروبة، لاعيبة مبطلة، اللاعيبة اللي كنت عايز تدي لواحد فيهم  100 مليون عشان تقعده، أصبح بيتقال عليه دلوقتي "مبطل".

وواصل: “بيتكلموا عن عقد إمام عاشور اللي باقي فيه 3 سنين وبيخلقوا مشكلة كل يوم، إمام مبسوط جدًا في الأهلي ومفيش مشكلة على الإطلاق”.

وأضاف: “جمهور الأهلي لازم يعرف إن الفريق معاه أفضل لاعيبة موجودة في إفريقيا، مش بس في مصر، سكواد أي نادي يتمناه”.

وزاد: “الماتشات اللي اتعادل فيها الأهلي كان متسيد، مسجلش، وده مش عذر لكن المشكلة مش في الحظ والتوفيق، في عناصر تانية أهم، زي التركيز، الجدية، الإصرار، وروح الفانلة الحمراء”.

وأتم المنيسي حديثه: “أهم حاجة دلوقتي الحفاظ على ثقة اللاعيبة، لو الثقة هربت بين اللاعيبة والجهاز والجمهور والمدرب، الأمور هتبقى صعبة جدًا، الأهلي مش هيحميه غير وعي جمهوره”.

أهمية لقاء الأهلي وبيراميدز في الدوري المصري الممتاز 

ويرغب كلا الفريقين، في تحقيق الفوز خلال هذه المباراة المرتقبة، في ظل سلسلة النتائج السلبية لكل منهما، في الدوري المصري الممتاز هذا الموسم. 

حيث لم يتمكن اي فريق سواء الأهلي أو بيراميدز، من تحقيق الفوز إلا في مباراة وحيدة فقط، بعد مرور 4 جولات على بداية المسابقة. 

لذلك يعتبر لقاء الجولة الخامسة بين الأهلي وبيراميدز مصيري في تحديد منافسة كل فريق على لقب الدوري هذا العام.