أنغام توجه رسالة مؤثرة لجمهورها بعد عودتها لمصر: دعواتكم دوايا الحقيقى

وجهت المطربة أنغام رسالة صوتية مؤثرة عقب عودتها إلى مصر بعد رحلة علاجية صعبة، عبرت فيها عن امتنانها لجمهورها وكل من ساندها في أزمتها الصحية الأخيرة.
وقالت أنغام: "بشكركم من كل قلبي.. أنتوا دعيتوا وربنا استجاب، ودعاكم كان هو الدواء وهو الإيد اللي بتطبطب وهو الحنية وهو اللي وقفني على رجلي بعد ربنا وبعد الدكاترة."

وأضافت: "أنا كان كل خوفي أني أسيب أولادي.. مكنتش عايزة حاجة من الدنيا غير أني أرجع لهم وأكمل معاهم شوية."

وأوضحت أنغام أنها لم تخجل من إظهار ضعفها أمام جمهورها، قائلة: "أنا عمري يمكن ما كنت بالضعف ده قبل كده، بس أنا مش زعلانة أبداً إني أكون ضعيفة قدامكم، لأني حسيت إني منكم وأنتوا أهلي."

كما وجهت الشكر للأطباء الذين أشرفوا على حالتها، مؤكدة: "مش هقدر أقفل الرسالة دي قبل ما أشكر أستاذ دكتور بروفسور أيمن آغا، وأشكر أستاذ دكتور محمود نجيدة اللي كان متابع حالتي من البداية لحظة بلحظة."

واختتمت رسالتها قائلة: “أنا مشتاقة جداً أشوفكم قريب على المسرح بإذن الله.. محبتكم ودعواتكم كانت نعمة كبيرة وسبب رئيسي في رجوعي للحياة.”