يمكن عند ربنا أحسن بكتير.. منة فضالي ترد على منتقدي ملابسها الجريئة

ردت الفنانة منة فضالي على الانتقادات التي تعرضت لها مؤخرًا بسبب ملابسها الجريئة، وذلك من خلال منشور لها عبر حسابها الشخصي بموقع التواصل الاجتماعي “انستجرام”.

وكتبت منة فضالي: اوعي تصدق اللي تقولك صاحبتي وأختي و حببتي او صاحبي واخويا و حبيبي إلا لو كان ب الفعل اصل الكلام ببلاش لكن الأفعال محتاجه مجهود ….. الفلوس حلوه و كل حاجه بس مش كل حاجه الفلوس لانها مش بتشتري الصحه والأهل واللي ماتو و فارقونا …في حاجات كتير في حياتنا اهم من كل ده صاحبك دراعك حبيبي قرشي واخويا صحتي.

وأضافت: ربنا ما يحوج حد لحد أبدا حتقولولي بتقولي الكلام ده ليه دلوقتي وانتي كل شويه في بلد و منين فلوس و الجو النيله ده أقولكم الحمدلله أنا اشتغلت كتير جدا جدا وده رصيدي يمكن حظي مش زي كل الناس بس أنا راضيه والحمدلله ب اللي ربنا ادهولي حتقولولي و انتي بتعرفي ربنا و انتي بتلبسي عريان أقولكم اه يمكن أنا عند ربنا احسن من ناس كتير يمكن بعمل خير كتير من غير إعلان لان اللي بيعمل خير مش لازم يقول دي حاجه بينك و بين ربنا بس كفايه اني عمري ما اذيت حد في حياتي بالعكس أنا دايما بتاذي اللي عاوزه اقولو محدش يعتمد علي حد ولا يصدق حد ولا يثق في حد في الزمن ده النفوس وحشه اوي علشان كده أنا دايما لوحدي او مع امي وكلابي و بس لان مفيش حد له امان ربنا يحرس الجميع من شر نفوس الناس.