رحمة حسن بعد تساقط شعرها: اعتذاركم مش هيرجع شعري تاني

كشفت رحمة حسن تفاصيل أزمة تساقط شعرها، وذلك من خلال منشور لها عبر حسابها الشخصي بموقع التواصل الاجتماعي “انستجرام”.

وكتبت رحمة حسن: العيادة اتوصلت معايا امبارح بعد ما نزلت البوست !! وانا رديت عادي لاني شخص كويس و محترم ، هما قلولي اسفين ان ده حصل و عايزينك تيجي العيادة وهنكلمك بكرة و كده كلام بس علشان مشتكيش وقالولي ليه مقولتيش قبل / قولت اني بعت بعدها باقل من شهر قلتم هتكلموني لكن محدش كلمني او تواصل معايا .... و عمالى نفس الحاجة تاني .. الحقيقية اني عمري ما كنت هتعامل ابدا معاهم ابدا ... لانهم معندهمش ضمير مهني ابدا بالناسبة للي حصل اتمني ان ده ما يحصلش لحد تاني و أكيد بالنسبالي كل حاجة هتكون كويسة ، اتمني مصر يكون فيها اطباء كتير كويسين . شكرًا ، و بعتذر اني مش برد علي صحافة او قنوات .. اتمني محدش يزعل ده مش جديد.

وأضافت: أنا دايما مش برد من زمان ! ! المشاركة دائما بتكون حب / توعية / احساس بالمسؤولية و ايضا مشاركة معنها الحرفي . أنما بالنسبة للعيادة انا مش مسمحاهم ابدا ولا هسامحهم هما او الدكتورة المسؤلة . ولا هقبل اعتذار لان اعتتذرهم م مش هيرجع شعري تاني في يوم وليلة