ياسمين الخطيب: سوزي الأردنية طلبت 100 ألف علشان تطلع معايا في البرنامج ورفضت تمامًا

أعربت الإعلامية ياسمين الخطيب عن استيائها من سبب شهرة البلوجر سوزي الأردنية، مؤكدة أنها ترفض ظهورها في برنامجها مساء الياسمين، رغم محاولة فريق الإعداد التواصل معها.

وقالت ياسمين الخطيب خلال حديثها في البرنامج: معنديش مشكلة شخصية مع سوزي الأردنية، ولما بجيب سيرتها بلاقي تعليقات إنها غلبانة وطيبة، بس أنا معترضة على سبب شهرتها. ليه كل دا؟ علشان شتمت أبوها؟!

وأضافت: أنا معرفهاش غير من خلال الشارع اللي ورا، واللغة دي أنا مش بحبها ولا بستخدمها>

وكشفت عن رفضها القاطع لاستضافتها في البرنامج، موضحة: فريق الإعداد كلّمها علشان تظهر معانا، لكنها طلبت 100 ألف! أنا معرفش بتشتغل إيه علشان تتقاضى الرقم دا. هتيجي تحكيلي إيه؟ إيه قصة النجاح؟

وتساءلت ياسمين الخطيب في ختام حديثها عن ظاهرة البلوجرز: "موضوع البلوجر بقى غريب جدًا، أنا مش فاهمة الناس دي بتشتغل إيه، وهل كلمة بلوجر بقت مهنة؟!"

تصريحات ياسمين أثارت تفاعلًا واسعًا على مواقع التواصل، خاصة مع تصاعد الجدل حول دور المؤثرين وصناع المحتوى في الإعلام الحديث.