أمينة ترد على اتهامها بتعاطي المكيفات في عزاء أحمد عامر: أنا مش بقدر أشرب المايه الساقعة

ردت المطربة أمينة على الانتقادات والاتهامات التي طالتها بعد ظهورها في عزاء المطرب الشعبي الراحل أحمد عامر.

وكتبت أمينة عبر حسابها الشخصي “انستجرام”: استفزتني التعليقات اللي شوفتها على فيديوهات عزاء أحمد عامر، الله يرحمه، الناس معذورة برضه، لأن العناوين اللي اتكتبت كانت مضللة.

وأضافت: أنا روحت عزيت في نقابة المهن الموسيقية، وكل ده طبيعي، لكن لاقيت تعليقات من ناس مش فاهمة حاجة وبتقول كلام وخلاص واضح إن مفيش حاجة تتهمونا بيها، فبقيتوا تقولوا إننا بنشرب أو بندخل مكيفات مصر، وأنا عن نفسي مقدرش أشرب حتى مية ساقعة، ولا دخان، وحسبي الله ونعم الوكيل في اللي بيتهمنا بما ليس فينا .

وواصلت: اللي بيقول إني موقفتش في عزاء أخويا، منك لله، صلتي بأهلي كويسة جدًا، ما بالك بأخويا! ولا عمري عشت دور مش ليا، ولا ليا خصومة مع حد، بس الناس بقت مستفزة وقليلة أدب، إلا من رحم ربي.

وتابعت: أنتم لا تعرفونا ولا عارفين إحنا بنعاني من إيه، عينكم جابتنا الأرض، بتحسبوا علينا كل نفس، ورغم كده تلاقينا بنحاول نقدم فن حقيقي، مش ذنبنا إن ربنا ادانا موهبة.

وأختتمت أمينة قائلة: منكم لله بجد، معظم الناس شايفانا تماثيل شمع، لا بنحس ولا عندنا دم.. اتقوا الله فينا، كفاية، إحنا بشر زينا زيكم.