زوجة المخرج الراحل سامح عبدالعزيز ترثيه بكلمات مؤثرة

نشرت الإعلامية داليا فرج الديب، زوجة المخرج الراحل سامح عبدالعزيز، منشورًا مؤثرًا عبر صفحتها الشخصية على موقع التواصل الاجتماعي “فيس بوك"، ودّعت فيه زوجها بكلمات يملؤها الحزن والحنين، مستعيدة ذكريات خاصة جمعتها به، وواصفةً علاقتهما بأنها كانت استثنائية لا يفهمها سواهما.

وكتبت داليا فرج الديب في منشورها: “اللي بينا حاجة مافيش غيرنا فاهمها، كنا بنفهم بعض من نظرة، نتخانق ونتصالح، ونحلف ما نكلم بعض تاني، بس أول ما تكلمني أنسى كل حاجة وأرجعلك، علشان عارفة إن قلبك طيب، بيبي كبير وضخم”.

وأضافت: “جوانا حاجة بتاعتنا إحنا وبس، مش حد يقدر يفهمها أو يسميها، فيه حتة جوا كل واحد فينا للتاني، مختلفة وخاصة، عشرة عمري، حبيبي، أبو بناتي”.

وتابعت الديب: “رغم إنك مشيت، بس اللي مريحني إن آخر 20 يوم كنا مع بعض على طول، يارب ما أكونش قصرت في حقك، هتوحشني أوي يا حبيبي، يا غالي.. مش مصدقة إني بقول ربنا يرحمك ويسكنك فسيح جناته.. نفسي أنام وأصحى ألاقي ده كابوس، بدري أوي أوي يا حبيبي.. لا إله إلا الله.. هتوحشني يا موحه".

موعد عزاء المخرج سامح عبد العزيز

وكشفت نقابة المهن السينمائية عن موعد عزاء المخرج الراحل سامح عبدالعزيز، حيث من المقرر أن تستقبل أسرته وأعضاء النقابة واجب العزاء يوم الأحد المقبل، بمسجد الشرطة في التجمع الخامس، داخل قاعتي الروضة والكوثر.