دنيا سامي: مصطفى غريب بيقولي أنتِ أوحش بنت شوفتها في حياتي

فتحت الفنانة دنيا سامي صندوق ذكرياتها، وتحدثت بعفوية عن طفولتها، وذلك خلال لقائها في برنامج «صاحبة السعادة» مع الإعلامية إسعاد يونس.

"كنت وحشة وأنا صغيرة"

قالت دنيا ممازحة: "أنا أصلاً وأنا صغيرة كنت وحشة جدًا، بس لما كبرت حسيت إني بحلو"، وأضافت ضاحكة: "إحنا لما بنكبر بنبقى قمر".

شاركت إسعاد يونس أيضًا ببعض الذكريات، وقالت: "سهير البابلي كانت بتقولي يا أم وش كله أسنان"، فيما روت دنيا موقفًا ساخرًا من طفولتها قائلة: "أختي شعرها ناعم وأنا شعري كان خشن وبُقي كبير، وكانت تقولي يا أم بُق كبير، بس دلوقتي المميزات دي بقت موضة".

مصطفى غريب وتعليق لا يُنسى

وفي لفتة مضحكة، قالت دنيا: "الوحيد اللي لحد النهارده شايفني وحشة هو مصطفى غريب، بيقولي: أنتي أوحش بنت شوفتها في حياتي والله العظيم!"، لتختتم كلامها بضحكة عفوية نالت إعجاب الجمهور وختمت بها اللقاء بروحها المرحة.