هخليكم متنزلوش من البيت.. طليقة مسلم توجه رسالة غاضبة بعد حفل زفافه

وجهت ميكا البغدادي طليقة مطرب المهرجانات مسلم رسالة غاضبة لأحدهم من خلال خاصية الاستوري بحسابه الشخصي بموقع التواصل الاجتماعي “انستجرام”.

وقالت ميكا: انا بعيده عن اي حاجه بس لما توصل ان حد يقرب لحياتي او يجرني لأي مشاكل ساعتها ههد الدنيا علي فيها، وانا مش بتاعت تهديد وشوية صور أنا بجد أخليكم متنزلوش من بيتكم.

مسلم يرد على منتقديه

وكان قد رد مطرب المهرجانات مسلم على مُنتقدي حفل زفافه الذي أُقيم مؤخرًا على يارا تامر، في إحدى الفنادق بالقاهرة الكبرى.

وقال مسلم في فيديو عبر حسابه الشخصي بموقع التواصل الاجتماعي “انستجرام”: لكل الناس اللي واخده مسلم محتواهم.

وأضاف: مش خلاص كفاية ولا ايه الدنيا أنا شخصيًا زهقت خليكم في حالكم بقى مش عايزين رأيك بالنسبالي ملوش لازمة بجد كفاية قرف كفاية تريند أنا طول عمري تريند مش محتاج أعمل أنا بشوف الحاجات دي بقرف.

وواصل: المشكلة إن أقل واحد فيهم والله حياته فيها بلاوي وحوارات الدنيا ويطلع يعمل نفسه جامد ويعدل على الآخرين كفاية بجد حوارات نفسي أعيش حياتي مستور وفي حالي أنتوا مالكم كان متجوز قبل كده ولا ده حظي في الدنيا وسيبنا بعض بكل احترام ولحد دلوقتي بسأل على ابني وأبويا معودني من صغري إن مفيش حاجة اسمها أمشي مع بنت.