مش هتنزل من بيتك.. خطوات استخراج بطاقة الرقم القومي أونلاين

في ظل توجه الدولة نحو التحول الرقمي وتسهيل الخدمات الحكومية، أصبح بإمكان أي مواطن استخراج بطاقة الرقم القومي أونلاين من غير ما يضطر يروح لمكتب السجل المدني أو يقف في طوابير طويلة.

خطوات استخراج بطاقة الرقم القومي أونلاين 
 

الخدمة دي بتوفر الوقت والمجهود، وبتقلل من الزحام داخل الجهات الحكومية، وكل الخطوات ممكن تتم من البيت من خلال الإنترنت وبشكل بسيط وسلس.

في السطور التالية نستعرض الخطوات الكاملة لاستخراج البطاقة أونلاين، بالإضافة لرسوم الخدمة والملاحظات اللي لازم تاخد بالك منها.

لكي تبدأ عملية استخراج بطاقة الرقم القومي أونلاين، ادخل على واحد من الموقعين الرسميين:

موقع وزارة الداخلية: www.moi.gov.eg

منصة مصر الرقمية: www.digital.gov.eg

عمل حساب جديد باستخدام رقم تليفونك وبريدك الإلكتروني، أو تسجّل دخول لو عندك حساب قبل كده.

 اختيار نوع الخدمة

من داخل المنصة، اختار "خدمات الأحوال المدنية"، ومنها "بطاقة الرقم القومي".

هتلاقي قدامك كذا اختيار حسب حالتك:

إصدار لأول مرة

بدل فاقد

تجديد البطاقة

بدل تالف

اختار النوع المناسب، وابدأ في تعبئة النموذج الإلكتروني.

إدخال البيانات ورفع المستندات

بعد كده، هتدخل بياناتك:

الاسم الرباعي

تاريخ الميلاد

العنوان

الوظيفة

الحالة الاجتماعية

وهترفع صور من المستندات المطلوبة زي:

شهادة الميلاد

صورة البطاقة القديمة (لو متاحة)

مستند إثبات الوظيفة أو الحالة الاجتماعية

 الدفع واختيار طريقة الاستلام

بعدما تكمل البيانات، هتقدر تدفع إلكترونيًا باستخدام بطاقة بنكية أو تختار الدفع عند الاستلام (لو متاح).

اختار البطاقة توصلك حتى البيت أو تستلمها من مكتب السجل المدني الذي تختاره.

رسوم استخراج البطاقة حسب سرعة التنفيذ

الخدمة العادية

50 جنيه خلال 15 يوم

الخدمة العاجلة

125 جنيه خلال 3 أيام

الخدمة الخاصة

175 جنيه خلال 24 ساعة

VIP إكسبريس

515 جنيه خلال 30 دقيقة

الخدمة الفورية

800 جنيه فورًا

نصائح مهمة

تأكد إن شهادة الميلاد مميكنة ومسجلة إلكترونيًا.

 البيانات تكون مطابقة تمامًا للمستندات الرسمية.

احتفظ بـ رقم التتبع اللي هيتوفر لك بعد تسجيل الطلب، لكي تتابع حالة البطاقة لحين تسليمها.