«بعد صفقة زيزو».. عمرو أديب: مش عاوز حد تاني يقولي الأهلي نادي المبادئ

علق الإعلامي عمرو أديب، على أزمة لاعب الزمالك أحمد سيد زيزو مع ناديه في ظل تقارير عن قرب انضمامه إلى النادي الأهلي

وقال خلال برنامجه «الحكاية» عبر شاشة «mbc مصر»، مساء الجمعة: «زيزو ذهب إلى الاهلي.. ربنا معاه وربنا يسهله.. يلعب وياخد فلوس ويعمل تاريخ».

أضاف أن زيزو ليس أول لاعب أو آخر لاعب يغادر الزمالك، متابعًا: «إحنا بنشجع بمزاج مش بنشجع بالرائجة لو بالرائجة هنشجع النادي اللي الدنيا كلها واقفة وراه».

واستكمل: «الزملكاوية زعلوا من الحركة.. حركة مش شريفة.. والغريب اللي كان ضالع فيها شخصية رياضية بتتكلم عن المبادئ».

وقال أديب متحدثًا عن زيزو: «اللي عمل الصدمة إنك لسه قاعد تدي مواعيد وإنت ماضي في بيت الخطيب وفق تقارير طاب إنت بتكملنا في إيه.. زيزو كام معانا وكنا بنخسر عادي وهو جاب كام دوري للزمالك».

وتابع: «القضية في الشغل اللي مكنش واضح ومباشر وفي الطرق الملتوية.. خدوا الزمالك كله.. خدوه بحسين لبيب.. مش دي القضية لكن اتعمل حاجة غير تقليدية».
 

وقال، إن الزمالك عليه غلق هذا الملف بشكل كامل وألا يشكو زيزو، مؤكدا أن اللاعب حر في قراره.

وأبدى أديب اتفاقه مع عدم مشاركة زيزو في المباراة الأخيرة لفريقه أمام نادي الجنوب إفريقي التي خسرها الزمالك بهدف نظيف وودع على إثرها بطولة الكونفدرالية.

وقال متحدثًا عن زيزو: «لو كان لعب كانت هتحصل كارثة.. روح الأهلي وربنا معاك وهيفضل الزمالك زمالك والأهلي أهلي».

وتابع: «الأهلي شايف الزمالك مركز شباب لتفريغ المواهب.. نصف فرقة الأهلي بالوزن بقت من الزمالك وفيه حد بيدفع.. اعمل اللي إنتو عاوزينه حتى لو هتاخدوا حسين لبيب نفسه».

وأشار إلى أن زيزو مسئول عن اختياره ومن حق أن يبحث عن المال، متابعًا: «مش عيب إن زيزو اختار الفلوس ومش عيب إن أبوه اختار الفلوس لكن العيب هو الناس متاخدش حقها».

واستكمل: «ملف زيزو انتهى بطريقة بايخة لكن إحنا متعودين على كده في الزمالك.. ومش عاوز حد تاني يقولي الأهلي نادي المبادئ».