القوي اللي يمسك نفسه عند الغضب.. أول تعليق من تامر حسني بعد هجوم بسمة بوسيل

آثار الفنان تامر حسني الجدل بمنشور غريب عبر حسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”، يتحدث فيه عن التسامح، ويأتي ذلك بعد أيام من تصريحات طليقته بسمة بوسيل.

وكتب الفنان تامر حسني: على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميلة.

تامر حسني يرد على بسمة بوسيل

وأضاف: تفتكروا لو اللي شايل كل الناس دي على ضهره لو حد من اللي شايلهم غلط فيه أو ظلمه أو حد سخنه و خلاه يقول كلام مش فيه أو شتمه حتى شتيمه صريحة.

وواصل: لو اللي شايل الناس دي كلها قرر يقوم و يقف و يرد عليه !! هيحصل إيه للناس دي كلها اللي ملهاش ذنب !!؟ أكيد هيقعوا و يتعوروا و هما ملهمش ذنب و خصوصاً إن اللي شايل الناس دي كلها هو شايلهم لإنه بيحبهم كلهم فاأكيد هيلتمس للي بيحبهم مليون عذر و عذر و خصوصاً ان اللي متشالين عشان هما فوق فا مش شايفين معاناة اللي شايل عشان كده.

تامر حسني يدعو للتسامح قبل رمضان

وأختتم تامر حسني قائلًا: ربنا بيدي الشخص المسؤل عن ناس كتير أو موظفين أو عيلة قوة تحمل و صبر و حكمة و رحمة مش عند حد و عشان كده ربنا بيباركله في مشواره اللي ماشيه و هو شايل كل دول من غير ما يشتكي بل بالعكس مستمتع و هما على ضهره … وصف الرسول عليه الصلاة و السلام الرجل القوي الشديد باللي بيمسك نفسه عند الغضب مش اللي بيتخانق و يضرب يلا نبدأ الشهر بالتسامح و الرحمة و رمضان كريم على الجميع.

 تصريحات بسمة بوسيل 

وكانت قد حسمت الفنانة المغربية بسمة بوسيل، حول عودتها إلي طليقها تامر حسني، ذلك بعد تصريحتها فى شهر مارس الماضي، عن حلمها فى عودة الحياة الزوجية السابقة.

حلت الفنانة بسمة بوسيل، يوم الجمعة الماضي، ضيفة فى برنامج«المشهد»، وحسمت الموضع فى عودتها إلي طليقها تامر حسني من جديد:"لرجوع له بوادر، وأنا ما شفتهاش، لما يكون في رجوع، بيكون في مشاعر بين الاتنين وما بيكونوش بعيد عن بعض، لكن لما اتنين بيتطلقوا وهما عايزين يرجعوا، بيكون عندهم طريقة للطلاق تبقي فيها خيوط للرجعة".

وتابعت:“أنا وتامر مش بنفكر نرجع لبعض، والكلام اللي بيتقال على الإنترنت مش عارفة مين اللي بيطلعه، لكن، زي ما قال تامر، في ناس بتحاول تصلح بينا، بيتكلموا بشكل طبيعي ومش فاهمين طبيعة العلاقة بيننا".

الجدير بالذكر أن بسمة بوسيل، ظهرت في أحد البرامج في شهر مارس عام 2024م، وتحدثت عن امنيتها ف العودة إلي طليقها تامر حسني، وقتها اعتقد البعض ان المياه تعرضت مجاريها.