«مفيش حاجة اسمها فانوس».. ياسمين عز تقدم نصيحة خاصة للأزواج قبل شهر رمضان (فيديو)

وجهت الإعلامية ياسمين عز، رسالة للأزواج قبل رمضان، تحثهم خلالها على أن يعطوا أموال لزوجاتهم بدلا من الفانوس.  

وقالت ياسمين عز خلال برنامجها كلام الناس: مفيش حاجة اسمها فانوس خلاص لغوه.. دلوقتي إدي مراتك فلوس ووشها هينور أكتر من هلال رمضان ومش كل ما تكلمك تقولها أنا صايم.. هي كمان صايمة مش بتعمل تان. 

وتابعت ياسمين عز: لما يسيبك روحي عيطي في حضن طبق ورق عنب وكنافة، محدش هينفعك غير صحتك واتفرجي على المسلسلات وكفاية وصفات من على اليوتيوب واطبخي زي حماتك. 

تصريحات ياسمين عز

وسبق ووجهت ياسمين عز، رسالة للفتيات قبل حلول شهر رمضان، ناصحة إياهن بأن يدعو لنفسهن بأشياء أكثر من مجرد عودة الحبيب، وقالت ياسمين عز خلال برنامجها كلام الناس، المذاع عبر قناة mbc مصر: أنا خجلانة من أهلك بالنيابة عنك إنك بتفطري معاهم السنادي.. لازم تخجلي من نفسك وإنتي قاعدة لسه في بيت أهلك.. ما صدقنا كبرتي وأرجو رمضان الجاي متكونيش معانا.

وواصلت ياسمين عز: مش بيرجعلك طول السنة.. هييجي يرجعلك في رمضان ليه هو مسحراتي؟، وبتدعي قبل الفطار حماتك تبقى تحت طوعك وده محتاج معجزة مش دعوة.. متبقيش محدودة في دعواتك وادعي بالصحة والجمال أحسنلك. 

وأضافت ياسمين عز: مش لازم جوزك كل ما يشوفك في رمضان يقول اللهم إني صايم، لا يقول اللهم بارك، خليكي مدندشة.