"الكلمة الحلوة بتريح".. أحمد العوضي يكشف عن سبب حب الناس له

كشف الفنان أحمد العوضي، عن أكثر صفة سيئة به في علاقته مع الطرف الاخر، مشيرا، أنه شخص متسلط فى علاقة حبه، ذلك خلال لقائه فى أحد البرامج التليفزيونية.

قال أحمد العوضي:"أكثر صفة الطرف الثاني بيشتكي منها بسببها في أي علاقة حب هي التسلط، لأني ببقى متسلط وبتحكم في الطرف الثاني، والمعاملة والمسايسة هم اللي بيخلوا الناس تحبني، لأن الكلمة الحلوة بتريح، وتقرب الناس مني".

وأضاف:"فيه حاجات حاجات معينة بعلاقتي مع البني آدمين لما تتكسر مش بتتصلح،و حتى لو اتصلحت بتكون قابلة إنها تتكسر في أقل موقف يحصل بعد كدة،و أي علاقة بتبقى قائمة على الثقة لأن هو اللي بيربط البني آدمين ببعضهم".

وتابع:"أنا مبحبش فكرة الانتقام لأنها بتاخد من طاقة البني آدم، لأن لما أكرّس وقتي عشان انتقم من حد دا بياخد من طاقتي،كدة هو اللي بيأذيني مش أنا اللي بأذيه، النجاح هو أفضل وسيلة للانتقام لو عايز أنتقم من حد معين بنجح".

الجدير بالذكر أن أحمد العوضي،يشارك في رمضان 2025 بمسلسل "فهد البطل"، من بطولة الفنان أحمد العوضي وميرنا نور الدين وأحمد عبدالعزيز ومحمود البزاوي ولوسي وكارولين عزمي ويارا السكري وعصام السقا وصفاء الطوخي وحجاج عبدالعظيم وكذلك محسن منصور وحمزة العيلي، ويعرض عبر شاشات الشركة المتحدة للخدمات الإعلامية في شهر رمضان المقبل.