ابنة رجائي عطية تستغيث: «بتعرض لحملة ضد أسرتي وبيتهموني في شرفي عشان والدي نقيب المحامين»

نشرت المحامية مي رجائي عطية ابنة نقيب المحامين، فيديو على موقع التواصل الاجتماعي «فيسبوك»، استغاثت فيه بالجهات المسؤولة من ما وصفته بحملة ممنهجة تتعرض لها وتخوض في عرضها وعرض اسرتها لمجرد أن والدها نقيب المحامين.

وتضمن الفيديو التي تحدثت فيه ابنة نقيب المحامين باكية، أن بعض الأشخاص المحسوبين على المحامين، تعمدوا النيل منها واتهموهابالشرف وتلقى العمولات والسرقةوالأعراض وأفراد أسرتها، لمجرد الطعن في نقيب المحامين رجائي عطية.

اقرأ أيضا:العالم يعترف به.. مطار القاهرة ضمن القائمة الدولية للسفر الصحي الآمن (فيديو)

وقال في الفيديو: «بتعرض لهجمات شرسة جدًا بسبب أن والدي نقيب المحامين.. ناس معرفهاش ولا ليا بيها أي علاقة بتتهمني كل يوم على صفحاتهم في فيسبوك بأشياء وحاجات أخجل أني أقولها.. لأن ما يصحش وعيب ومتربناش على كدا».

وأوضحت: «القصة كلها انهم عاوزين يضربوا الاستاذ رجائي؟ فيقوموايضربوه في بنته اللي هي بتشتغل معاه باقيلها 15 سنة.. اتهامات بالشرف وعمولات غير شرعية والسرقة وأني أنا اللي بدير النقابة من خلف ستار.. وأنا ما دخلتش النقابة غير مرة واحدة، يوم ما الوالد نجح في الانتخابات اللي أنا كنت بدير الحملة الدعائية بتاعتها.. وكنت وفرحانةوروحت معاه أول يوم.. ومن يومها مروحتهاش تاني».

وتواصل المحامية مي عطية شكواها، مؤكدة أنها تعيش في دولة قانون، مشددة على أن حقها لن يضيع:«انتهموني اني بتجسس على النقابة وبديرها وباخد عمولات».

وتوجه المحامية رسالة لما وصفتهم بمهاجمتها باكية ومتوعدة ملاحقتهم بالقانون قائلة: «نجحتوا في إنكوا توعجوني؟؟.. اااه.. نجحتوا.. بس أنا مش هسيب حقي.. قدمت بلاغات في الست اللي بتشتمني كل يوم في مباحث الإنترنت وهاخد حقي..وأنا في دولة قانونوهاخد حقيومش هيضيع».

وأضافت: «أنا واخدة الطريق الصح ومغلطش في حد.. هما ماسكين فيا أنا وسمعتي وشرفي.. لكن مش معقول بنتي هي كمانصورها بتنزل عند الست دي في السوشيال ميديا كل يوم على صفحتها وتهديد وغيره.. الأمور راحتلشيء غير مطاق وأرجوا أنصوتي يوصل للمسؤولين عشان يحموني..حاولت كل المحاولات ولحد دلوقتي لم يصلني حقي.. انا مش عاوزة أدخل والدي في الموضوع أو استغل منصبه كنقيب للمحامين.. فا أنا بالتالي أدوس على اي حد منهم.. بس لأ.. أنا قدمت بلاغ كمواطنة وهاخد حقي بالقانون في دولة القانون».

واختتمت المحامية مي رجائي عطية شكواها باكية وتقول: اننانوصل للأعراض والشرف والصور تتنشر على السوشيال ميديا كل يوم.. ده ما يرضيش حد ومافيش راجل يرضى يحصل في أهل بيته كل يوم كدا.. حرااااام.. دي مش طريقة..لا دين ولا عرف ولا قانون يرضى بكدا.. ما يصحش كدا.. دي طريقة متدنية أوي.. ما يصحش انكوا تدخلوا أهل البيت في الصراعات دي!!.. حرام كدا».