شريف مدكور يرد على منتقديه:"أنا أتكلم في الدين براحتي وأقول اللي عاوزه"

حرص الإعلامي شريف مدكور الرد على الانتقادات التي تعرض إليها بسبب حديثه عن الدين وتفسير آيات القرآن الكريم، مشيرا، انه دائما يجتهد فى تفسير الدين أفضل من أشخاص أخري.

وكتب شريف مدكور،منشور على حسابه الشخصي بموقع التواصل الاجتماعى الفيسبوك: أنا أتكلم في الدين براحتي وأقول اللي أنا عاوزه مدام مش بكفر حد والحاجة الوحيدة اللي مش من حق مخلوق يقولي متتكلمش فيها هي ديني، على الأقل أنا ببحث وبجتهد علشان أزود إيماني ويقيني والله أعلم.. أنا مش خروف حمشي ورا كلام حد.

وأضاف شريف مدكور، في تحذير شديد اللهجة: كل واحد يلم نفسه على الأقل أنا مش بتاجر ولا بعمل سبوبة من ديني وربنا عارف نيتي وهو اللي بيحاسب في الآخر، ورجاء محدش يدخل على الخاص ويكتبلي أن الدين ده دراسة وعلم خلي كل واحد في نفسه أرجوكم، والناس اللي عمالة تضحك على الكلام أنتم عيال قوي علشان مفيش في الكلام حاجة تضحك.

الجدير بالذكر أن الإعلامي شريف مدكور،  أثار الجدل بعد استشهاده بـ آيات من القرآن الكريم عن الحساب بالقبر، حيث كتب عبر حسابه بموقع فيسبوك: قال تعالى: كل نفس ذائقة الموت وإنما توفون أجوركم يوم القيامة، قال يوم القيامة ولم يقل وإنما توفون أجوركم في القبر، أو يقول وإنما توفون بعض أجوركم في القبر، أو يقول وإنما ستتعرفون على مقاماتكم في القبر، هذه الآية الكريمة الصريحة والواضحة تؤكد وتبين لكل من يتدبر القرآن أنه لا يوجد أي شيء في القبر.