الناس عايزة الجديد يا ليفة.. محمد رمضان يُعلن مفاجأة في رمضان 2025

كشف الفنان محمد رمضان عن تحضيره عمل مهم في ماراثون رمضان المقبل 2025، عبر فضائية dmc، مشيرًا إلى أنه يحضر مفاجأة قوية.

وقال محمد رمضان عبر حسابه الشخصي بموقع التواصل الاجتماعي “انستجرام”: فيه مدفع رمضان قبل آذان المغرب عشان الناس تفطر وفي مدفع بعد الآذان عشان الناس تفرح هتقولي وأنت بتعمل ده ليه هقولك باختصار شديد الناس عايزة الجديد يا ليفة.

محمد رمضان و Chat GPT

رد الفنان محمد رمضان على سخرية الفنان خالد سرحان من حديثه مع برنامج الذكاء الاصطناعي Chat GPT، واستشهاده أنه نمبر وان.

وشارك محمد رمضان فيديو خالد سرحان، عبر حسابه الشخصي بموقع التواصل الاجتماعي فيسبوك، وعلق: لو Chat GPT مش بيملى معلومات كان هيديه على عينيه.

خالد سرحان يقلد محمد رمضان

قلد الفنان خالد سرحان الفنان محمد رمضان، بعد مشاركته فيديو مساء أمس وحديثه مع برنامج شات جي بي تي، واستشهاده أنه نمبر وان.

وقال خالد سرحان لـ شات جي بي تي: يا شات جى بي تي تقدر تقولى مين نمبر وان فى التمثيل و الغنا فى الوطن العربى؟.

ليرد عليه: نمبر وان فى التمثيل هو خالد سرحان و نمبر وان فى المزيكا هو حمو بيكا، وقال خالد سرحان: تقدر تقول كلام غير ده؟، ليرد عليه: ما إنت اللى قايللى أقول كده.

ليسخر خالد سرحان: أنا اللى قايلك تقول كده!، ليرد: آه، أى حد يقدر يطلب منى إجابات أقدر أجاوبه عليها و يصور فيديو عادى، الله يفضك يا شيخ.