"كان هيضربني بالقلم".. علاء زينهم يكشف تفاصيل خلافه مع الزعيم عادل إمام

تحدث الفنان علاء زينهم عن تفاصيل الخلاف بينه وبين الزعيم عادل إمام، وعن خلافه الشهير مع الفنان الراحل سيد زيان.

“حلف بالطلاق أنه مكنش يقصد”

وقال زينهم خلال لقائه مع الإعلامية إيمان أبو طالب في برنامج “بالخط العريض” المذاع على شاشة الحياة: "تفاجأت في أحد المسرحيات مع الزعيم عادل إمام وهو واضع يده كتفي كأنه عايز يضربني بالقلم على وجهي، روحت حطيت إيدي على وجهي ورفضت أرد عليه الحوار على المسرح، وسيبت المسرح ومشيت، إلا أن الزعيم عادل إمام جه ورايا وحلف بالطلاق أنه مكنش يقصد.

خلاف علاء زينهم مع يكشف تفاصيل خلافه مع سيد زيان

وأضاف: “عادل إمام بيتعامل مع فريق العمل كأنه أسرة واحدة بيجتمع معاهم قبل التصوير ويأكل فول وطعمية ويشرب الشاي، وده اللي كان بيعمله فؤاد المهندس مع فريق عمله”.

وتابع: "خلافي مع سيد زيان كان في بدايتي وفي بدايتي كنت بشتغل سواق تاكسي وبعدين ربنا كرمني واشتريت ميكروباص، وأنا معنديش أحلام، مفيش حلم ولا حقيقة.. لغاية دلوقتي مفيش حلم.. مبطمعش عشان مزعلش".