أنا اللي خاسس شوية.. سامو زين يرد على تقليده لـ عمرو دياب عبر «بصراحة»

علق الفنان سامو زين على اتهامه بتقليد الفنان عمرو دياب في لوكه الجديد، مشيرًا إلى أنه لا يقلد أحدًا، وأن ذلك بسبب نقصان وزنه.

وقال سامو زين خلال لقائه مع موقع “بصراحة”: هو أنا أطول أشبه الهضبة هو في جمال كده ده يشرفني ده مثال للموضة والشكل والجمال والشخصية هو أنا أطول.

وعن تكريمه في مهرجان فاشون: سعيد جدًا بارتباطي بالفاشون والمظهر المتكامل ده بالنسبة ليا نجاح كبير، مهرجان محترم زي ده سعيد بتكريمي كل سنة.

سامو زين يرد على الهجوم عليه

وكان قد تعرض المطرب سامو زين الساعات الماضية لحملة من الهجوم الشديد عبر مواقع التواصل الاجتماعي بعد ان اعلن دعمه للملحن والمطرب عمرو مصطفى المثير للجدل دائما.
 

ونشر سامو زين عبر حساباته الرسمية بمواقع التواصل الاجتماعي، منشورا كتب فيه: “انا من جمهور عمرو دياب ومن سنين فبلاش الكلام يبقي بالطريقه دي عليا.. أنا بالذات طول عمري بحالي ومع نفسي بشغلي والهجوم يبقي بالشكل ده وكميه المسجات إلي بتجيلي من كثير من الناس والاصدقاء والفنانين انا بتكلم علي حق عمرو مصطفي وده حقه بحكم الخبره والنجاح والمذاكره والسفر والتطوير ده ليه إيجابيات كثيره يا جماعه”.

وأضاف: “ولازم تحترم جدا جدا مينفعش بجد وأمور كثيره هذا الجيل يجب أن يطلع عليها ويعرف أن هذا الفنان صنع تاريخ كبير لمصر والوطن العربي وما زال يفعل وسجل اسمه كملحن تقيل جدا التاريخ لا ينسى لو نسيتو الكلام ده بس صدقوني لو نسيتو الكلام ده عمركم مهتلاقو تاريخ يفتكركم”.
 

واختتم: “كل التحيه لشجاعه هذا الفنان الكبير والملحن الاعظم في تاريخ هذه الصناعه في السنوات الأخيرة وكل ما يقوله حقيقي 100 في الميه وحقه وحقنا كلنا”.