محمد علي خير: الغلابة اللي بيخدموا 36 سنة يطلعوا معاش بياخدوا 2000 جنيه متعملش حاجة

علق الإعلامي محمد علي خير، على أحوال الأجور والمعاشات في مصر منذ فترة الرئيس الراحل جمال عبدالناصر بتسلسل زمني دقيق.

زيادة الأجور

وقال الإعلامي محمد علي خير خلال تقديم برنامجه “الملخص” على تطبيق “فيس بوك”: “فيه حديث رسمي داير اليومين دول على أن الحكومة بتدرس زيادة الأجور والمعاشات، وهتكلم عن المعاشات تحديدًا اللي بتهم 11 ونصف مليون مواطن مصري”.

وأضاف خير: “مهما زادت المعاشات حتى لو 1000 جنيه 2000 جنيه أصحاب المعاشات، يقولك لا مش كفاية عايزين يتساوى مع الحد الأدنى للأجور”.

وتابع: “الغلابة اللي بيطلعوا على المعاش بعد 36 سنة خدمة يلاقوا معاشهم 2000 أو 3000 متعملش أي حاجة اليومين دول”.

خدمات مجانية مقابل المعاش

وواصل: “طيب السؤال المهم ليه المعاشات في مصر قليلة أوي كده رغم أن احنا بنخدم 36 سنة؟، ليه المعاش في بلدنا مش 10 أو 20 ألف جنيه؟”.

وأكد أن لهذا الأمر تسلسل زمني منذ عهد الرئيس الراحل جمال عبدالناصر منذ 70 عامًا، مشيرًا إلى أن الدولة في ذلك التوقيت قدمت خدمات مجانية للمواطن مثل العلاج التموين التعليم السكن، معلقًا: “مقابل كل هذه الخدمات الدولة تخصم كل هذا في الخمسينيات، في الأول مكنش فيه استثمارات، ولما زادت الناس الحكومة مش قادرة تزود مع ده المرتبات والأجور فظل المعاش قليل”.