مش بيعجبني أغانيه.. إسلام شيندي يعلق على أعمال محمد رمضان |خاص

كشف مطرب المهرجانات إسلام شيندي عن رأيه في الأعمال الغنائية الذي يقدمها الفنان محمد رمضان، مشيرًا إلى أنه لا يعجبه أعماله الأخيرة.

وقال إسلام شيندي في بودكاست “اتكلم بصراحة”، مع أحمد الزاهد: مش بيعجبني أغاني محمد رمضان الأخيرة اللي بيقدمها الصراحة، أما قبل كده كنت أنا اللي بعمله فكان بينجح الحلو أنا بقول عليه حلو على السوشيال ميديا حتى لو صغير.

وأضاف: الله أعلم بيجيب الملايين دي منين، هو بينجح عشان هو محمد رمضان مش عشان صوته حلو، أول أغنية نزلها جابت 300 مليون، السبب الكبير أوي إنه ناجح في الموضوع ده إنه ممثل وبيستغل ده في نجاحه مش هننكر ده.

إسلام شيندي يشارك في الدشاش

وكان قد أعرب المطرب إسلام شيندي عن سعادته البالغة بنجاح أغنيته في فيلم “الدشاش” بطولة الفنان محمد سعد، مشيرًا إلى أن السر وراء نجاحه هي دعوات والدته.

وقال إسلام شيندي خلال لقائه مع موقع “بصراحة”: عملنا أغنية في الدشاش اسمها دي معلمة عملنا تراك رايح للأكشن شوية وفيه تحدي وطلعنا تريند بعد نشر الأغنية بأيام قليلة، والأغنية مش قصدي دس حد معين أنا كنت بتكلم بلسان محمد سعد.

وعن أغنيته في فيلم “ولاد رزق 3”، قال شيندي: كسرنا العالم في أغنية ولاد رزق، وده بسبب دعوات والدتي ليا وتوفيق ربنا مش شطارة مني.