لطيفة لـ مجدي يعقوب:"كلنا بنحمد ربنا على نعمة وجودك في حياة الانسانية"

وجهت الفنانة لطيفة رسالة شكر إلي الدكتور المصري الكبير مجدي يعقوب، مؤكدة، أنها فخورة به وتحمد الله على وجودة فى الحياة، ذلك بعد ابتكار صمامات قلب حية يمكن زراعتها في جسم المريض.

لطيفة توجه رسالة لـ مجدي يعقوب 

كتبت لطيفة منشور على حسابها الشخصي بموقع التواصل الاجتماعى تبادل الصور والفيديوهات الانستجرام:"من أعظم وأبسط وأرقى الناس اللي قابلتها في حياتي القيمة والقامة والنعمة الربانية اللي ربنا جابهالنا للبشرية كلها،ابن مصر العظيمة الولادة، فخورة وكلنا بنحمد ربنا على نعمة وجودك في حياة الانسانية والبشرية كلها".

تابعت:"كم أنت عظيم بهذا الانجاز العظيم، ربنا يديك الصحة ويخليك لينا، لو في أيقونة في العالم العربي، فمجدي يعقوب يتصدرها بجدارة".

أيضا تحدث الفنان تامر حسني عنه، موجها رسالة شكر إلي مجدي يعقوب، عبر حسابه الشخصي بموقع التواصل الاجتماعى الفيسبوك:"للي ميعرفش أولًا، وأنا طفل كان عندنا درس في العربي اسمُه مجدي يعقوب عشان كان أول طبيب في العالم يعمل عملية زرع قلب وكانت تقريبًا سنة 1980 يعني الراجل ده أسطورة في عالم الطب من سنين كتيره مش من دلوقتي".

أضاف:"ثانيًا … هذا الرجل الملاك وهب كل حياته لخدمة البشريه عارفين يعني إيه كل حياته لحظه بلحظه لخدمة البشرية لخدمة ولادنا لخدمة الإنسانية لخدمة الطب وكل دكاترة المستقبل، النهارده دكتور مجدي يعقوب بيحقق كمان إعجاز طبي جديد بعد 45 سنة من أول إنجاز يعني بصراحه الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزه طبية مفيش ولا دكتور في العالم عملها إلا دكتورنا المصري العربي".

واختتم قائلًا:"حاجة تشرف أوي حاجه عظيمة أوي الراجل ده لازم يبقى في شوارع وميادين باسمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي".