إبراهيم عيسى عن إضافة مادة الدين للمجموع: «أنتوا بتتكلموا بجد دا الإخوان ماعملوهاش» (فيديو)

علق الإعلامي إبراهيم عيسى، مساء اليوم الأربعاء، على قرارات الحكومة المصرية في منظومة التعليم ورغبتها في تطبيق نظام البكالوريا بدلًا للثانوية العامة. 

وقال إبراهيم عيسى خلال برنامجه" حديث القاهرة" المذاع على قناة القاهرة والناس:" مش عارف إيه هواية العودة إلى الخلف والتعليم في مصر ليس أولوية عند الحكومة علشان مشغولة بالإسكان والعمران". 

وأضاف:": "كل وزير بيجيب مستشارين، وينفذ رؤية يعلنها علينا، والحكومة توافق؛ لأن موضوع التعليم مش موضوعها، وكل وزير بييجي يعمل، واللي بعده ييجي يغير، وبعدين يبدأ يقنع بيه الناس".

وتابع:" إحنا أمام مشكل كبير فيما يخص التعليم، حيث أننا لدينا عجز مدرسين قرابة 500 ألف مدرس ووصل مؤخرا إلى 650 ألف مدرس عجز، معبرا عن استغرابه من مناقشة الدولة تطوير ملف التعليم ولديها عجز بمئات الآلاف من المدرسين.

واستكمل: "المفروض كل الميزانيات تذهب وتتحط في ميزانية التعليم المصري، والتعليم يبدأ من المدرس مش مبنى المدرسة، الأولويات دي مفقودة، ومفيش أولويات أصلا والمفروض الأولويات 650 ألف يتعينوا السنة القادمة، والدولة لو هتاخذ قروض من الخارج عشانهم؛ مش مشكلة". 

وعن إضافة مادة الدين للمجموع:" أنتوا بتتكلموا بجد هتدخلوا الدين في المجموع؟.. أنتوا مين بالظبط؟ إحنا كدا داخلين على فتنة دا الإخوان ماعملوهاش".