بألوان علم مصر.. وزيرة التخطيط تحتفل بعيد الميلاد المجيد في كاتدرائية ميلاد المسيح

حرصت الدكتورة رانيا المشاط، وزيرة التخطيط والتعاون الدولي، على المشاركة في عيد الميلاد المجيد بـ كاتدرائية ميلاد المسيح بالعاصمة الإدارية الجديدة.

وارتدت الدكتورة رانيا المشاط، ألوانًا متناسقة تظهر فيها علم مصر، وذلك وسط علامات بهجة وفرح على وجهها أثناء تهنئة الإخوة الأقباط بعيد الميلاد المجيد.

وفي سياق متصل، قال الرئيس عبد الفتاح السيسى، خلال زيارته مقر كاتدرائية ميلاد المسيح بالعاصمة الإدارية الجديدة: "كل عام وأنتم طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا.. ونأخذ بكل الأسباب لحماية بلادنا".

كلمة الرئيس السيسي في كاتدرائية المسيح

وأضاف: "إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت".

وتابع: "بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى".

عيد الميلاد المجيد

وأوضح :"يمكن حد ينسى مع الظروف يتهيأله إن الأمور مش ممسوكة كده، مش بينا احنا، البشر، لا الدنيا مش متسابة كده، احنا مؤمنين بالله كلنا صحيح لكن مش عاوزين ننسى، لازم كلنا نبقى متأكدين من النقط دي، لازم كلنا نعرف إن ربنا موجود ومحدش يقدر يعمل أي حاجة في الوجود اللي احنا فيه ده إلا بأمر الله سبحانه وتعالى".

واختتم كلمته: "احنا كدولة، كنت دايما بتتعامل مع الأمور بشرف كبير، وبأمانة كبيرة، وبنزاهة كبيرة، النقطة دي بقولهالكم، لو كان المسؤول عنكم إنسان مش كويس خافوا على بلدكم، لو ايده متعاصة بدم الناس خافوا على بلدكم، لو ايده واخدة أموال الناس خافوا على بلدكم، الحمد لله رب العالمين لا دي موجودة ولا دي موجودة".

 أبرز المعالم الدينية والثقافية

وتعتبر الكاتدرائية هي الأكبر من نوعها في الشرق الأوسط، كما تُعد واحدة من أبرز المعالم الدينية والثقافية الموجودة في مصر.

صُممت بطراز معماري يمزج بين العراقة القبطية والحداثة الهندسية، حيث تتميز بالقباب المرتفعة والنوافذ الزجاجية الملونة التى تضفى جمالًا وروحانية على المكان، كما أن التفاصيل الدقيقة داخل الكاتدرائية، مثل الأيقونات والرسوم الجدارية، تعكس التراث القبطى الغنى.

على مساحة 15 فدانًا

وتعد الكاتدرائية الأكبر حجما وسعة، حيث تقع علي مساحة 15 فدانا أي ما يعادل 63 ألف متر مربع، وتتسع لأكثر من 8 آلاف شخص، وتحتوي على مبنى للمقر  البابوي وصالة استقبال وقاعة اجتماعت ومكاتب إدارية، كما تحتوي علي قاعة كبيرة متحف لتاريخ الكنيسة القبطية، ويوجد بها من الداخل أيقونات مرسومة على الحوائط تعبر عن ميلاد السيد المسيح وبشارة القديسة العذراء مريم وبعض الأيقونات المستوحاة من سفر الرؤيا.

ويترأس البابا تواضروس الثاني القداس الإلهي لعيد الميلاد المجيد، بكاتدرائية ميلاد السيد المسيح بالعاصمة الإدارية الجديدة، منذ إنشاءها حتى الآن بحضور الرئيس السيسي، وسط احتفال كبير من الحضور من الشعب المصري.