رئيس التحرير
محمود سعد الدين
NationalPostAuthority
الرئيسية حالا القائمة البحث
banquemisr

تامر حسني يمازح طليقته بسمة بوسيل:"إحنا هنقطع على بعض"

تامر حسني وبسمة بوسيل
تامر حسني وبسمة بوسيل

حرص الفنان تامر حسني على المزح مع طليقته بسمة بوسيل بعد إعلانها عن أغنية جديدة التي تطرح اليوم، فى نفس التوقيت الذي يطرح فيه أغنيته الجديدة بعنوان “فعلاً مبيتنسيش”.

نشر تامر حسني عبر خاصية القصص القصيرة في حسابه على الانستجرام، مقطع فيديو لأغنية بسمة بوسيل، كتب عليها:"ماشي يا بسوم نازلة في نفس اليوم معايا إحنا هنقطع على بعض كده، بهزر معاكي ربنا يكرمك وأغنيتك تكسر الدنيا وتبقى أنجح من أغنيتي كمان، والله والله من قلبي".


رسالة تامر حسني لبسمة بوسيل


ردت عليه بسمة بوسيل:"والله ما كنت مركزة في اليوم، أنت فاهم النجوم بيسقطوا ساعات، شكرا يا تيمو وإن شاء الله ربنا يكرمنا جميعا".


بسمة بوسيل ترد على تامر حسني


وكانت بسمة بوسيل كشفت عن أغنية جديدة تستعد لطرحها قريبا وشوقت الجمهور لها وقالت: "صحيت مبسوطة الحمد لله فحبيت انكد عليكوا بأغنيتي الجديدة اللي هتنزل يوم 15 يناير أغنية كلاسيكية راقية جدا تحسوا كده إنها بتعبر عن صرخة أنثى، "لأ ثواني" هتبقى إن شاء الله رائعة من روائع الزمن المهبب اللي إحنا فيه ده".

تامر حسني يكشف حقيقة عودته لـ بسمة بوسيل 


على جانب آخر، نشر تامر حسني خلال حسابه الشخصي بموقع التواصل الاجتماعى الانستجرام، فيديو له من لقائه مع برنامج et بالعربي،وأوضح أن رده لم يكن على السؤال حول عودته لطليقته وحكى ما حدث في كواليس اللقاء، كتب تامر حسني:"طبعا هما بيدوني ورقة اقرأها والسؤال المذيعة مسألتوش المفروض بقرأها أنا لوحدي وليا حق الرد أو لأ، والمفروض المذيع ميقولهاش بما أنه بيوريهالي على ورقة".

وتابع تامر حسني:"أنا قريت بس كلمة إشاعات فرديت على طول، ومعرفش السؤال تكملته إيه لأن سنة جديدة مش هعيد على الناس أكيد غير بدعوة حلوة للناس وللبلدان العربية، مش إني اتكلم على إشاعات، اعتقد مكنش ينفع أن المذيع يذكر سؤال المفروض أنه سري عشان كده مكتوب وكمان المذيعة مسألتوش لأن السؤال احترم حريتي الشخصية واتكتب في ورقة يبقى إزاي بنعرضه للناس، أتمنى من أي مذيع ومحطة كبيرة متقعش في الخطأ ده تاني لأننا بنحترمكم ونقف نتكلم معاكم بكل حب هي ملحوظة بمنتهى الحب مش أكتر لأن الطريقة دي ممكن تتسبب غصب عنكم في فتن وممكن تتفهم غلط خصوصا أني مكملتش قراءة السؤال لأن أول كلمة إشاعات".

          
تم نسخ الرابط