اللي مش عاجبه ميتفرجش.. أحمد العوضي يرد على مُنتقدي تكرار أعماله الشعبية

رد الفنان أحمد العوضي على منتقدي تكراره الأعمال الشعبية، مشيرًا إلى أن جمهوره يحب تلك الشخصيات، وما يهمه هو النجاح.

وقال العوضي في تصريحات تلفزيونية: يعم أنا مش بقدم غير شعبي اللي مش عاجبه ميتفرجش عليا اشمعنا أنا اللي ماسكين ليا في الكلمة دي.

وأضاف: مبحبش نظرية المؤامرة بشوفها ضعف إن الراجل يطلع يقولك فلان مضايق من نجاحي، ليه هو أنا عويل عشان كده مبيشغلنيش الكلام ده.

لقاء أحمد العوضي مع موقع “بصراحة”

وكان قد رد الفنان أحمد العوضي على انتقاد العديد من النقاد لتكرار شخصياته في العديد من الأعمال الفنية الذي يقدمها على مدار السنوات السابقة.

وقال العوضي خلال لقائه مع موقع "بصراحة": طول ما أنا بنجح يبقى مفيش مشكلة وده رزقي إن الناس بتحبني وبنجح بسبب تفاعلهم معايا في كل شغلي.

وأضاف: السوشيال ميديا يا جماعة مش مجال للخناق ولا مشاكل دي اسمها تواصل اجتماعي مش عشان نضرب بعضينا اللي بيتخانق على السوشيال ميديا راجل دماغه تعبانة.