مخي نضج لما حبيته.. ليلى زاهر تتغزل في هشام جمال بعد شائعة انفصالهم

أعربت الفنانة الشابة ليلى أحمد زاهر عن سعادتها البالغة بخطوبتها للفنان والمنتج هشام جمال، مشيرًا إلى أنه جعلها ناضجة في التعامل مع المجتمع.

وقالت ليلى زاهر خلال لقائها ببودكاست "موضوع عائلي" مع الفنان صدقي صخر: لما بتلاقي حد خايف عليك بجد من قلبه ومحترم أوي وبيحافظ عليك زي ما أبوك طول عمره عاش حياته كلها واشتغل وتعب عشان يحافظ عليك.

وأضافت: لما تلاقي حد مصدر الأمان في الحياة خلاص مش بتبقى عايز حاجة تانية، أنا طول الوقت مطمنة هو مصدر أمان بالنسبة ليا وحاجة مهمة أوي.

خطوبة ليلى زاهر وهشام جمال

وواصلت: بحترم علاقتنا وبحبها وببقى عايزة دايما أحافظ عليها وهو كمان، وأهم حاجة الواحد يعرف إزاي يحافظ على العلاقة من دون تدخل أي حد في الحياة أيا كان هو مين، يعني لو في مشكلة بيني وبينه المشكلة دي هتخلص ما بينا مش هتخرج برا عننا.

وأختتمت ليلى زاهر قائلة: من ساعة ما حبيت هشام جمال اتعلمت منه حاجات كتير جدا وغير في شخصيتي للأحسن ومخي نضج أكتر وبقيت بعرف أعبر أكتر عن مشاعري مع كل اللي حواليا ومعاه، الحب جميل.

آخر أعمال ليلى زاهر

يشار إلى أن آخر أعمال ليلى زاهر كان مسلسل “أعلى نسبة مشاهدة” ودارت أحداثه في إطار تشويقي اجتماعي حول فتاة من عائلة فقيرة تسمى شيماء تسعى لتحقيق شهرة واسعة على منصة تيك توك والهروب من واقع الفقر ومن مضايقات والدتها لها ورفضها للعريس والزواج، وشقيقتها ليلى أحمد زاهر باسم “نسمة” والتي تقع في العديد الأحداث المثيرة والكبيرة، وتعرض هذه الأحداث خلال 15 حلقة.