وائل عبدالعزيز يهاجم الفيشاوي وسلوى محمد علي:"احترموا رموز مصر"

شن الفنان وائل عبد العزيز، شقيق الفنانة ياسمين عبد العزيز، هجوم كبير على الفنان أحمد الفيشاوي، والفنانة سلوي محمد علي، ذلك بسبب تصريحاتهم، عن أعمال الزعيم عادل إمام.

وائل عبدالعزيز يدافع عن عادل إمام

ونشر وائل عبدالعزيز عبر حسابه الشخصي بموقع التواصل الاجتماعى الفيسبوك، قائلًا:"هو في ايه على الزعيم عادل إمام اليومين دول الراجل معتزل وقاعد مع عيلته بينبسط وقفل المنهج مرتين بعدد افلام ومسرحيات ومسلسلات تليفزيون واذاعه لو قعدت عمرك كله عشان تحقق ربع اعماله مش هتعرف".

واستكمل:"كنت تقدر تتكلم على الراجل وهو شغال.. مستحيل.. احترموا رموز مصر عيب مش كده.. الزعيم مكنش بيقعد غير مع رؤساء دول ولما كان بيسافر دوله كانت بتتقفل من الزحام عليه.. اسكتوا شويه واتلهوا بقا انتوا مين عشان تقيموا فنان كبير وقامه زاي الاستاذ.. زمن يقرف".

أحمد الفيشاوي: فاروق الفيشاوي أقوى موهبة من عادل إمام

وكان قد قال الفنان أحمد فاروق الفيشاوي، في الحلقة مع الإعلامي نزار الفارس:«فاروق الفيشاوي أقوى موهبة من عادل إمام، والزعيم مش وسيم أصلًا،إن الرسالة في العمل الفني ما تخليهوش دمه خفيف».

أثارت الفنانة سلوى محمد على جدلا واسعا بعد تصريحاتها الأخيرة التي انتقدت فيها الزعيم عادل إمام، في إحدى الفعاليات الفنية.

وعقَّبت بقولها:«أنا مش فاكرة إن الفنان عادل إمام اللي هو الزعيم وأكبر فنان متحدث باللغة العربية قدم رسائل في أعماله،عنده أفلام حلوة كتير مفيش فيها رسالة، ومعظم الكوميديا مفيش فيها رسالة».