نجوى فؤاد تهاجم الراقصات الأجانب بسبب ملابسهن: جسمهم كله باين

هاجمت الفنانة نجوى فؤاد، الراقصات الأجانب وذلك بسبب ملابسهم، والتى وصفتها بـ «فاضحة».

وقالت نجوى فؤاد خلال تصريحات ببرنامج «حلوة الحياة» المذاع على قناة «الحدث اليوم»: «في بداية مشواري الفني خاصة الرقص عندما كان عمري 15 سنة وغلطت مرة في لبس الرقص اللي كنت بلبسه، ومحدش وجهني للنصح وقتها».

وتابعت: «غلطتي الوحيدة لما لبست مرة لبس أظهر رجلي عارية، إنما دلوقتي الراقصات الأجنبيات الجسد بتاعهم كله باين وهذا ليس رقص شرقي».

وواصلت: «الهند غزت العالم برقصها، وروسيا كان لها شكل وطابع في الرقص، وفلسطين والأردن ولبنان كل دولة لها ثقافة وطابع معين في شكل الرقص، احنا ثقافتنا في الرقص ممتدة منذ الفراعنة زي اللى قدمته الفرق القومي وفرقة رضا وجميعها محترمة، مينفعش السائح يشوف الرقاصة عندنا دلوقت عريانة».

واختتمت «فؤاد»: «الراقصات الأجنبيات سيطروا على الساحة في مصر، ومفيش مصريات دلوقت بشوفهم وربنا يرزقنا باتنين 3 راقصات مصريات غاويين الرقص الشرقي القديم بتاعنا».