محمود الليثي لـ«بصراحة»: عمري ما هدخل ولادي التمثيل مش عايزهم يشوفوا اللي شوفته

أعرب الفنان محمود الليثي عن سعادته البالغة بتكريمه كأفضل مطرب شعبي في مهرجان ذا بيست، مشيرًا إلى أنه عانى كثيرًا إلى أن وصل إلى ذلك المجهود.

وقال محمود الليثي خلال لقائه مع موقع “بصراحة”: سعيد جدا إني بتكرم كأفضل مطرب شعبي في مهرجان ذا بيست، الحمد لله بتكرم النهارده عن أعمالي مع عصام صاصا وعبد الباسط حمودة.

وعن وقوفه بجانب أصدقائه في المحن: أنا جدع مع الكل الناس وبدعي دايما إني أكون جدع مع عصام صاصا وسعد الصغير في محنتهم ويارب نطلع دايما ظاهرين للناس كلها إننا جدعان وبنقف مع بعضنا في المحن والصورة بتاعة الأغنية الشعبية تفضل متماسكة وكويسين احنا في بعض.

ونوه الليثي أنه لن يدخل أبنائه للوسط الفني قائلًا: ولادي خط أحمر وعمري ما هدخلهم التمثيل مش عايزهم يشوفوا اللي شوفته، قل أعوذ برب الفلق في اللي يشوفهم.

محمود الليثي يتحدث عن زوجته وشقيقه

في وقت سابق كان قد  تحدث محمود الليثي، عن زوجته وشقيقها الراحل، والذي أكد أن له فضل عليه في بداية مشواره الفني، بجانب الكشف عن رأيه في تعدد الزوجات.

وقال محمود الليثي، في حواره مع الإعلامية هبة الأباصيري، في مهرجان العلمين: مراتي مبتغيرش عليا، وهي عارفة إني بحافظ عليها، بس بتقولي خلي بالك فلانة بتبصلك وأنا بحط حدود على طول، ومراتي هي النعمة في حياتي ووش السعد عليا وشُفت الخير كله معاها، أنا بحبها وبخاف عليها جدًا.

وتابع محمود الليثي: هي بنت ناس جامدين أوي في السيدة، وأخوها الله يرحمه كان عمري ووش السعد والهنا وخيره عليا ليوم الدين، وأنا مسمي ابني على اسمه.