صياغة صحفية ووضع الرابط الخاص بالتدوينة //// تامر حسنى يمنح محبيه طاقة إيجابية عبر فيسبوك

تستضيف الإعلاميةجيهان عبدالله في حلقة خاصة من برنامج أجمد 7 الساعة 7 على محطة راديو نجوم FM 100.6، يومالأحد 14 من فبراير الجاري نجم الجيل تامر حسنى ولمدة ساعتين من الساعه 7 وحتى الساعه 9 مساءًا.

ويتحدث تامر حسنى عن آخر أعماله وهو ألبوم خليك فولاذي الذي يحتفل بنجاحه،وبعض مشاريعه الفنية وأيضا عن آخر أخباره السينمائيه كما يتحدث تامر حسنى عن عيد الحب وعن وجود الحب فى حياته وآخر تحضيراته لبعض حفلاته وبعض أعماله الدرامية وعن التحضيرات الخاصة بأفلامه.

وكان تامر حسني، قد وجه رسالة لمتابعيه عبر حسابه الرسمي بموقع التواصل الاجتماعي «فيسبوك» بعدما طلب من كل شخص أن يروي الأمر الذي يعاني منه.

“موضوع الواسطة والمحسوبية وكل ما ذكرته في أول الكلام هو فعلًا موجود بشدة و بقسوه و انا شخصيًا مريت بيه و قهرته و انا طفل و شاب فقير اتعرضت لكل ما ذُكز ،،، يا جماعه بما انك عايش في مجتمع فيه كدا يبقى مش قدامك غير التميز الواضح عشان كفاءتك تحرج اي مسئول او مدير يعني لو انت دلوقتي شخص ذو كفاءه عاليه لازم تشتغل على نفسك تاني و تبقى ذو كفاءه عاليه جدًا جدًا و متميز كمان و الأهم يكون عندك ثقه كبيره في ربنا ملهاش حدود ، عشان هو شايفك و اكيد هيكافئك على مجهودك".

إقرأ أيضا :في ذكرى شاعر الألف أغنية.. «يا بخت من يرضى عنه مرسي جميل عزيز»

إقرأ أيضا :يا رب مبسوطة دايما".. الشقيقتان "هنا" و"رشا" يحتفلان بزفاف حلا شيحة

“فكرة الفقر والظروف الصعبة عايزك تفهم انك مش لوحدك خالص معظم الناس كدا و فيهم مستسلمش لظروفه و مرضه و قرر يقهر الظروف دي ،، افتكر دي دايمًا ان في واحد اسمه (( لولا دا سيلفا ))كان فقير و خرج من المدرسة وصباعه اتقطع واشتغل ماسح أحذية وتعب وكافح واجتهد وصبر وفكر يتميز لحد ما وصل بقى رئيس جمهورية البرازيل .... نيجي للصفات المجتمعية اللي مزعلانه كلنا وتغير قلوب الناس والشتائم الجارحة في التعليقات يعني تلاقي بعض الناس مباركين اوي لعلاقة شخص مصاحب واحده و بيتريقوا على شخص اتجوز واحده ، واحد محترم المجتمع و الاعلام متجاهلينه و شخص مهزق عاملين له سعر ".

وأضاف: "نيجى لبعض الصفات الشخصية اللي تزعجنا زي التسرع و تضييع الوقت و الطيبه الزائده و الشخصية المترددة و الشخص اللي كل شويه يحاول ويفشل واللي بياخد كل حاجه على اعصابه ،،،، كل الحجات دي عايزه تمارين حقيقي مع النفس اولًا هطمن كل اللي كاتب عيوبه ،،، هو لمجرد انك عارف عيبك و معترف بيه دي اول خطوه ايجابيه لعلاجك لازم انت تقوّم نفسك انت تبقى مُعلّم نفسك هو دا الصراع الدنيوي الحقيقي انك تقاوم نفسك و تطور منها ، بص لعيبك حالًا وكلمة قوله أقسم بالله هتخلص منك قول هبطل مخدرات هبطل سجاير هبطل خمره هخس هتخن هتمرن هواظب على الصلاه مش هبص لحياة غيري هبطل اللي مضايقني من نفسي ايًا كان و ابدأ في التمرين كل ما تجيلك فكرة سلبية في دماغك حط مكانها عكسها حط الإيجابي كل ما تجيلك فكره محبطة انك مش هتقدر قول لأ انا هشوف الفكره مليانه امل و شايف نفسي قادر ، ارجوكم كلكم لازم لازم لازم كل حد فيكم يشوف نفسه في خياله شخص ناجح و محقق اللي نفسه فيه هتقدر تبني في خيالك طاقة جذب لشيء جميل فا مخك هيعمل كل جهده انه يفكر احسن و يوصل للهدف الجديد اللي انت زرعته قدامه : تنبيه !!!!! و العكس صحيح ... ارجوكم قبل ما تناموا افتكروا حجات حلوه تفرحكم دي اخر حاجه تسيبوها في مخكم قبل ما تناموا عشان هتصحوا عليها فا لو وحشه هتصحوا متنكدين .. لو حلوه هتصحوا فرحانين و يومكم اجمل".