دخلت مصر إزاي؟.. بسمة وهبة توجه أسئلة جريئة لـ شاليمار الشربتلي في قضية المجوهرات

أعربت الإعلامية بسمة وهبة عن حزنها الشديد بسبب اتهام المخرج عمر زهران بسرقة مجوهرات الفنانة التشكيلية شاليمار شربتلي زوجة المخرج خالد يوسف.

وقالت بسمة وهبة في فيديو نشرته عبر حسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”: “مش عارفة أنام وتعبانة  لإن عندي إحساس إن في حد مظلوم وممكن يتحبس صعب ده كان أستاذي وبيعلمني واللي ابتديت معاه أول حلقة في حياتي صعب اشوفه نازل والكلبشات في إيده إيه الغل اللي ممكن يكون جوه البني آدم يخليه يعمل في حد كده، في حد عايز عمر يموت فعمر مات خلاص، عمر مات من جواه”.

بسمة وهبة تعلق على أزمة المخرج عمر زهران

وأضافت: “أنا مبعرفش استحمل الظلم على حد وعمر زهران أنبل انسان في الدنيا ودخل بيوت ناس كتيرة مش عرب بس ومصريين كمان شرفاء محترمين أغنياء وعندهم مجوهرات وعندهم فلوس، والفنانة الراحلة سهير البابلي كان جوزها جواهرجي، وكانت ما شاء الله حبيبتي بتلبس ألماظات كتيرة، اشمعنا أنتِ اللي هيسرقك، لي تعملي فيه كدا، ما تسيبيه في حاله، وتحلي مشاكلك بعيد عنه، بلاش الانتقام دا الانتقام دا وحش جدا”.

ووجهت الإعلامية بسمة وهبة سؤال لـ شاليمار شربتلي، قائلة: “دخلتي المجوهرات مصر إزاي؟ حضرتك أثبتيهم على الباسبور؟ أي أجنبي ملوش إلا 10 آلاف دولار ولو معاكي حاجة زي كدا تثبتيها على الباسبور حضرتك أثبتيها يا فندم، ولا دا يعتبر تهريب”.

وواصلت: “ثانيا بلغتي عن المسروقات ومنزلة لينا صور من على النت طيب ما تجيبي لنا صورك كدا وأنتي لبساها، وبعدين حضرتك مدياله مفتاح البيت، وإحنا عمرنا ما ندي مفتاح لحد إلا لما نكون واثقين فيه ومرينا بتجارب معاه خلتنا نثق فيه أي اللي خلى اليومين دول تحصل القلبة دي”.