تامر حسني يساند شيرين بعد جدل حفل الكويت: ارحموا من في الأرض يرحمكم من في السماء

دافع الفنان تامر حسني عن الفنانة شيرين عبد الوهاب، بعد الانتقادات التي وجهت لها بسبب ارتباكها أثناء دعوة جمهور حفلها في الكويت لقراءة الفاتحة للملحن الراحل محمد رحيم، واستبدالها عبارة صدقة جارية بسيئة جارية.

وقال تامر حسني في منشور عبر صفحته الرسمية في موقع التواصل الاجتماعي إنستجرام: "واثق إنها زلة لسان من شيرين لأن شيرين من أكتر الناس اللي بتحب محمد رحيم الله يرحمه ومن أكتر الناس اللي عارفه قيمته لإنها فنانه كبيره بالاضافه لانها اعتذرت على المسرح في وقتها و نيتها كانت تكريم وطلبت الفاتحه من الجمهور".

وقال تامر حسني في نفس المنشور على إنستجرام: "انما بقى التوتر الشديد و الصدمه الكبيره اللي مستحوذه على الدكتور طاهر أخو رحيم مخليينه في حاله نفسيه صعبه جدا ربنا ما يوريها لحد مخليينه مش عارف يفكر بأحسن شكل لفراق أخوه اللي كان كل شيء في حياته... ارحموا من في الأرض يرحمكم من في السماء".

وكانت شيرين عبد الوهاب طلبت خلال حفلها الأخير في الكويت من جمهورها قراءة الفاتحة للفنان الراحل محمد رحيم معقبة: "محمد رحيم اللي عامللي مشاعر، وصبري قليل والوتر الحساس وأنا في الغرام. يا رب تروح له إن شاء الله معلش. خلينا نعمل سيئة جارية".

واعتذرت شيرين بعدها قائلة: "يا جماعة محدش يخليني أتكلم في المايك، حسنة جارية، والله العظيم هيسيبوا كل حاجة ودي هتبقى تريند دلوقتي".