موقع بصراحة ينشر النص الكامل لأقوال شاليمار الشربتلى فى البلاغ الأول بـ 2023: عمر زهران أوهمنى انه اتسأل فى النيابة وفضلت متابعة المحضر لحد ما عرفت انه اتحفظ وان عمر مرحش النيابة أصلا
ينفرد موقع بصراحة الإخبارى بنشر معلومات جديدة وحصرية عن قضية المخرج الشهير عمر زهران المتهم فيها بسرقة مجوهرت الفنانة التشكيلية شاليمار الشربتلى زوجة المخرج خالد يوسف ، وينشر موقع بصراحة الإخبارى النص الكامل لأقوال شاليمار الشربتلى
س: ما تفصيلات شكواكي تحديداً في الواقعة محل التحقيق ؟
ج: اللي حصل اني مشتريه وحدة سكنية بالفور سيزون البرج الشمالي - الدور الثامن .. وأنا معتاده السفر خارج مصر واخر مرة وقتها انا سافرت بتاريخ ٢٠٢٢/٤/٥ وكانت كل متعلقاتي الشخصية من مجوهرات وساعات موجودة في الوحدة السكنية خاصتي وكنت شايفاهم قبل ما اسافر وسافرت على السعودية ورجعت ثاني مصر بتاريخ ٢٠٢٢/٥/٥ وكان خلال فترة سفرى بالخارج كان ليا صديق اسمه عمر زكريا إمام زهران وهو ممثل طلبت منه إنه يروح شقة الفورسيزون وياخد عمال عشان ينضفوا الشقة، وياخد شيخ معاه علشان يقرأ قرآن وهي دي المرة الوحيدة اللى قولت العمر خلال فترة سفري دي انه يروح فيها الشقة ولما نزلت القاهرة روحت على الوحدة السكنية بتاعتي وبعد كذا يوم اكتشفت ان متعلقاني الشخصية التي كنت حطاها على الشفونيرة وكمان متعلقاتي اللى كانت في الدرج مش لاقياهم وساعتها كلمت جوزی و كلمت عمر زهران وبلغنا الشرطة والمباحث واخدوا البصمات وبعدين عملنا محضر بالواقعة واتعملت معاينة على الوحدة وانا ساعتها انا وجوزى دخلنا غرفة الملابس وكان في خزنة بس مفتاحها ضايع قولنا نكسرها ونفضي الحاجة اللى فيها وكانت مفيش حاجة فيها ناقصة وفضيناها وبعدين سيبناها في غرفة الملابس
وبعد كدا انا كنت بتابع المحضر ووقتها عمر قالى انه راح النيابة وأوهمني إنه اتسال وفضلت متابعة المحضر لحد ما عرفت انه المحضر الحفظ وساعتها كنت في الساحل الشمالي في مصر وكان قاعد معايا عمر زهران وناس أصدقائنا وفتحتنا موضوع سرقة المجوهرات بتاعتي ساعتها حد من أصدقائنا اقترح عليا اني افتح التحقيقات تاني لقيت عمر وقف مرة واحدة وقال في وسط القاعدة ان الحرامي اكيد اللي دخل معاه المفتاح وقال لو حد من العاملين كان اكيد هيتفتش وهو خارج من الفور سيزون وبعدها لما حس اني هيعيد فتح التحقيقات تاني لقيته اقترح عليا انه هيجبلي واحد البيت عشان ينضف ويدور في الحاجة وقالي ده موثوق فيه وان شاء الله هيلاقى الحاجة في البيت وجابلي ساعتها واحد اسمه عنتر عشان يدور على الحاجة ولما دخل وفضل يدور ملقاش حاجة في البيت في الأول وبعدين عمر قالي انتي محتاجة الخزنة دي اللى كنت كسراها أنا وجوزى ومكنش فيها حاجة وانا كنت متاكدة وبعدين اخدها عنتر ومعاه السواق بتاعي اسمه محمد إبراهيم بدوي ونزلوا لقيت محمد بعدها بخمس دقايق طالع ومعاه خاتم قالي انه لقاه في الخزنة وساعتها عمر قالي دى دلالة من ربنا وانا ساعتها سمعت كلامه وقالي هنجيبه تاني يدور وانا وافقت وجابهولى بعد خمس أيام وساعتها كنت انا وعمر قاعدين في الصالة وعنتر دخل الاوضة طلع خاتمين من الحاجة اللى كانت مسروقه وبعدها مشيوا وبعدها باسبوع جه هو ومعاه عنتر، وعنتر دخل الاوضة وطلع خاتم الماس وبعدين اخر مرة انا كنت متفقة معاه على يوم الجمعة بس اتاخرت عليهم فخالد يوسف جوزي - المخرج السينمائي راح ساعتها ولقيت خالد بيكلمني فيديو كول وبيقولى انه لقى معظم الحاجة بتاعتي وهو كان واقف في البلكونة وقت ما كانوا بيطلعوا في الحاجة وبعدها علاقتنا اتقطعت بعمر وانا عرفت من الدفاتر اللي بالفورسيزون ان عمر زهران كان بيتردد على الوحدة السكنية خاصتي اكثر من مرة وانا سافرت تاني برة مصر وساعتها وكلت أستاذ محامي واتخذت الإجراءات القانونية لإعادة فتح التحقيقات .
س: متى وأين حدث ذلك ؟
ج: الكلام ده حصل خلال فترة سفري من 5 أبريل 2022 حتى 5 مايو 2023، من الوحدة السكنية رقم ٢ الدور الثامن - البرج الشمالي - شارع النيل الفورسيزون - الجيزة .
س: وما في مدة سفرك خارج البلاد تحديداً في تلك الفترة ؟
ج: من ٢٠٢٢/٤/٥ حتى ٢٠٢٣/٥/٥ .
س: ما هي الحالة التي قمتى بترك الوحدة خاصتك عليها قبل سفرك ؟
ج: كان حاجني ومصوغاتي الذهبية والساعات كلها موجودة في البيت .
س: ما هي الحالة التي وجدتي عليها الوحدة خاصتك عقب وصولك من سفرك ؟
ج: انا لقيت البيت مسروق منه مجوهرات ذهبية والماس وساعات ماركات كانت موجودة على الشوفنيرة الخاصة بغرفة نومي وفي درجها .
س: هل من مترددين على الوحدة خاصتك خلال فترة سفرك ؟
ج: مفيش غير مرة واحدة بس اللى اتفقت فيها مع عمر زهران ومع مصطفى الملا دا موظف ماسك الحسابات عندي انهم يجيبوا ناس تنضف البيت وساعتها الاتنين راحو الشقة عشان الناس اللي تنضف .
س: ومتى تحديداً ترددوا على الوحدة خاصتك ؟
ج: هما راحوا الشقة بتاريخ ٢٦ يناير عام ٢٠٢٣
س: وهل من المعتاد تردد تلك الأشخاص على الوحدة خاصتك ؟
ج: لا، لما انا بطلب منهم انه يروحوا الشقة وانا مطلبتش من حد انه يروح غير المرة دى خلال سفرى المرة دي .
س: وما هي كيفية دلوف كلا من : ١- عمر زكريا إمام زهران - مصطفى الملأ للوحدة خاصتك ؟
ج: انا كنت سايبه نسخة من المفتاح لعمر زهران ونسخة لمصطفى .
س: من القائم على ارتكاب تلك الواقعة تحديداً ؟
ج: هو عمر زكريا إمام زهران اللي سرق واشترك معاه عنتر حنفي محمود جمعه عويس في السرقة .
س: كيف نمي إلى علمك بإرتكاب المتهمين لتلك الواقعة ؟
ج: لما لقيت عمر عرض عليا انه يجيبلي عنتر وانه بيدور وهيعرف يطلع الحاجة وفعلا جالي البيت اکثر من مرة وبدأ يطلع في المسروقات وكمان لما عمر كان بيروح البيت أكثر من مرة ومكنتش عارفه وعرفت من الدفاتر الخاصة بأمن البرج .
س: وما هي كيفية قيام المتهمين بارتكاب تلك الواقعة ؟
ج: انا معرفش هو عمر سرقهم ازاى بس لما شوفت في الدفاتر الخاصة بالفورسيزون لقيت عمر طلع اكثر من مرة للشقة وهو كان معاه المفتاح بس انا مقولتلوش غير مرة واحدة بس انه يروح ويا خد عمال عشان ينضفوا الشقة ويجيب شيخ معاه .
س: ما هو دور المتهم عمر زكريا امام زهران في تلك الواقعة تحديداً؟
ج: عشان لما كنت في الساحل الشمالي في مصر وكان قاعد معايا عمر زهران وناس أصدقائنا وفتحتنا موضوع سرقة المجوهرات بتاعتي ساعتها حد من أصدقائنا اقترح عليا اني افتح التحقيقات تاني لقيت عمر وقف مرة واحدة وقال في وسط القاعدة ان الحرامي اكيد اللي دخل اكيد معاه المفتاح وقال لو حد من العاملين كان اكيد هيتفتش وهو خارج من الفور سيزون وبعدها لما حس اني هيعيد فتح التحقيقات تاني لقيته اقترح عليا انه هيجبلي واحد البيت عشان ينضف ويدور في الحاجة وقالي دة موثوق فيه وان شاء الله هيلاقى الحاجة في البيت وجابلي ساعتها واحد اسمه عنتر عشان يدور على الحاجة ولما دخل وفضل يدور ملقاش حاجة في البيت في الأول وبعدين عمر قالي انتي محتاجة الخزنة دي؟ اللي كنت كسره انا وجوزى ومكنش فيها حاجه وبعدين أخدها عنتر ومعاه السواق بتاعي اسمه محمد بدوي ونزلوا، لقيت محمد بعدها بخمس دقايق طالع ومعاه خاتم قالي انه لقاه في الخزنه وساعتها عمر قالي دى دلالة من ربنا وانا ساعتها سمعت كلامه وقالي هنجيبه تاني يدور وانا وافقت وجابهولى بعد خمس أيام وساعتها كنت انا وعمر قاعدين في الصاله وعنتر دخل الاوضه طلع خاتمين من الحاجة اللى كانت مسروقه وبعدها مشيوا وبعدها باسبوع جيه هو ومعاه عنتر وعنتر دخل الاوضة وطلع خاتم الماس وبعدين اخر مرة انا كنت متفقة معاه على يوم الجمعة بس اتاخرت عليهم فخالد جوزي راح وساعتها لقيت خالد بيكلمني فيديو كول وبيقولى انه لقى معظم الحاجة بتاعتي وهو كان واقف في البلكونه وقت ما كانوا بيطلعوا في الحاجة وهما لاقوها جوة غرفة بنتي مع العلم اننا قمنا بتنظيف الشقة اكثر من مرة وبحثنا كتير .
س: وما هو دور المتهم / عنتر حنفي محمود جمعة عويس في الواقعة تحديداً ؟
ج: هو اللي اشترك مع عمر في سرقة المصوغات الذهبية والساعات .
س: وكيف اشترك المتهم / عنتر حنفي محمود جمعه عويس مع المتهم / عمر زكريا امام زهران في سرقة المنقولات ؟
ج: هو اول مرة لما نزلوا بالخزنة محمد السواق اللي شغال معايا طلع وقالى انه عنتر لقى الخاتم جوة الخزنه ومكنش جواها حاجة وانا متاكدة وثاني وثالث مرة لما جيه البيت انا كنت انا وعمر قاعدين في الصاله وكان عنتر جوة في الاوضة وكل مرة يطلع خاتم وثالث مرة طلع خاتمين واخر مرة لما مروحتش وجوزى خالد كان معاهم عمر زهران و عنتر دخلوا جوة البيت وطلعوا حاجات كتير وكان ساعتها خالد جوزى في البلكونه وكان بيكلمني في التليفون وقالوله انهم لاقوها في غرفة بنتي .
س: وماذا عن كيفية خروج المتهمين بالمسروقات من مسرح الواقعة حال الاستيلاء عليها ؟
ج انا معرفش.
س: ما هي كيفية إسترجاع بعض المسروقات حبسما شهدتي ؟
ج: أول مرة لما جيه عنتر مع عمر فضل يدور ملقاش حاجة في البيت في الأول وبعدين عمر قالي انتي محتاجة الخزنه دي اللي كنت كسراها انا وجوزى ومكنش فيها حاجة وانا كنت متاكدة وبعدين اخدها عنتر ومعاه السواق بتاعي اسمه محمد بدوي ونزلوا لقيت محمد بعدها بخمس دقايق طالع ومعاه خاتم قالي انه لقاه في الخزنه وساعتها عمر قالي دى دلاله من ربنا وانا ساعتها سمعت كلامه وقالي هنجيبه ثاني بدور وانا وافقت وجابهولى بعد خمس أيام وساعتها كنت انا وعمر قاعدين في الصاله و عنتر دخل الاوضه طلع خاتمين من الحاجة اللى كانت مسروقه وبعدها مشيوا وبعدها باسبوع جيه هو ومعاه عنتر وعنتر دخل الأوضة وطلع خاتم الماس وبعدين اخر مرة انا كنت متفقة معاه على يوم الجمعة بس اتاخرت عليهم فخالد جوزي راح وساعتها لقيت خالد بيكلمني فيديو كول وبيقولى انه لقى معظم الحاجة بتاعتي وهو كان واقف في البلكونه وقت ما كانوا بيطلعوا في الحاجة.
س: هل من ثمة شاهد على الواقعة ابصر المتهم عمر زكريا امام زهران ابان إرتكابه الواقعة سرقة المصوغات الذهبية والمنقولات خاصتك ؟
ج: لأ
س: هل من الآلات مراقبة رقمية رصدت المتهم عمر زكريا امام زهران ابان إرتكاب لتلك الواقعة داخل الوحدة السكنية خاصتك ؟
ج: لأ مكنش فيه وقت الواقعة .
س: هل من الالات مراقبة رقمية رصدت المتهم عمر زكريا امام زهران ابان إرتكاب لتلك الواقعة خارج الوحدة السكنية ؟
ج: لأ مفيش على باب الوحدة السكنية خاصتي بس فيه في مداخل ومخارج البرج وبتسجل شهر واحد بس .
س: وهل استخدم المتهم / عمر زكريا امام زهران ثمة مفاتيح مصطنعه لارتكابه لتلك الواقعة ؟
ج: لأ انا كنت مدياله المفتاح ..
س: وما مدى إحتفاظ المتهم / عمر زكريا امام زهران مفتاح مسكنك حتى الآن ؟
ج: انا أخدته منه بعد الواقعة دي علطول .
س: وهل من اثار لعنف جناني وجدت بالوحدة خاصتك ابان اكتشافك لتلك الواقعة ؟
ج: لأ
س: وهل كان بحوزة المتهم ثمة أدوات أو أسلحة ظاهرة او مخبأة أبان ارتكابهم لتلك الواقعة ؟
ج:لأ
س: هل من ثمة إكراه وقع على ثمة شخص ابان قيام المتهم بارتكابه لتلك الواقعة ؟
ج: لأ
س: ما هي المسروقات تحديداً ؟
ج: هي عبارة عن مصوغات ذهبيه والماس وساعات
س: وما هو وصف تلك المصوغات الذهبية تحديداً ؟
ج: عبارة عن 1- ساعه ذهبيه في الماس ماركة AB - ساعة روليكس الماس ابيض ٣ - ساعة الماس ماسورة الماس كاتبيه، 5- حلق الماس وزفير. 6- خاتم الماس زمرد ۷- أسورة ذهبية، 8- خاتم ازرق بلوتوباز 9-خاتم الماس تركواز -۱۰ خاتم احمر حوله الماس -١١- خاتم سلوتير. ۱۲ ساعة كارتيه حمراء اللون ۱۳ - ساعه كارتيه ذهبي -١٤ - اسورة الماس وبها احجار ١٥ - عقد زفير والماس ١٦ - خاتم الماس لونه أزرق -۱۷ - حلق الماس زفير -۱۸ - حلق لؤلؤ في الماس -۱۹ - خاتمين الماس بهم لولي ۲۰ - حوالي عشرون طقم مشكل سلسلة وحلق واسورة ذهبية ومعايا فواتير بها .
س: بكم تقدر تلك المسروقات ؟
ج حوالي اثنين مليون وخمسمائة الف دولار .
س: وما هي المسروقات التي ردت إليكي تحديداً ؟
ج: عبارة عن -١ - ساعة ذهبية في الماس ماركة AB - ساعة روليكس الماس ابيض -٣- ساعة الماس كارتيه -٤ واسورة الماس كارتييه - حلق الماس وزفير -٦- خاتم الماس زمرد 7- اسورة ذهبيه 8- خاتم ازرق بلوتوباز 9- خاتم الماس تركواز 10- خاتم احمر حوله الماس ۱۱ - خاتم سلوتير .
س: وما هي المسروقات التي لم ترد لكي تحديداً ؟
ج: عبارة عن 12 - ساعة كاتيه حمراء اللون -۱۳ - ساعه كارتيه ذهبي ١٤ - اسورة الماس وبها احجار ١٥ - عقد زفير والماس -١٦ - خاتم الماس لونه ازرق -۱۷ حلق الماس زفير -۱۸ - حلق لؤلؤ في الماس ۱۹ خاتمين الماس بهم لولي -۲۰ حوالي عشرون طقم مشكل سلسله وحلق واسورة ذهبيه .
س بكم تقدر تلك المسروقات ؟
ج: حوالي سبعمائة وخمسون الف دولار .
س: ولمن تشيري تحديداً اصبع الاتهام ؟
ج: انا بتهم عمر زكريا إمام زهران وعنتر حنفي محمود جمعه عويس بسرقة مصوغاتي الذهبية خاصتي من داخل منزلي
س: ما قولك فيما قررته بمحضر جمع الاستدلالات المؤرخ في ٢٠٢٣/٥/١٥ الساعة ١٢:١٥ صباحاً والمحرر بمعرفة الرائد / هشام فتحي رئيس وحدة مباحث قسم شرطة الجيزة من أنك قررتي بمحضر جمع الاستدلالات من تضررك بسرقة المنقولات خاصتك وقيام اشخاص خاصيين بنظافه المنزل بالتردد على مسكنك ولم تتهمي أحد بسرقة تلك المسروقات ؟
ج/ اللي حصل أنا قولت عليه في التحقيقات النهارده
س ما قولك فيما شهد به النقيب / يوسف طارق يوسق صديق - معاون مباحث قسم شرطة الجيزة بتحقيقات النيابة العامة المؤرخة في ٢٠٢٣/٦/١٧ من ان تحرياته السرية لم تتوصل لحقيقة الواقعة ؟
ج: عشان انا مكنتش اتهمت حد.
س: ما قولك فيما شهد به المدعو / خالد سيد علي خليل - مدير امن برج فيرست السكني - الفور سيزون بتحقيقات النيابة العامة المؤرخة في ۲۰۲۳/٥/١٦ من انه يتردد على الوحدة خاصتك أصدقائك والساقين العاملين لديكي حال غيابك وسفرك خارج البلاد ؟
ج: اللي عرفته انه عمر اللى كان بيتردد اكثر من مرة على الشقة
س: ومن يدعى مصطفى تحديداً الوارد اسمه على لسان المدعو / خالد سيد علي خليل - مدير امن برج فيرست السكني - الفور سيزون بتحقيقات النيابة العامة المؤرخة في ٢٠٢٣/٥/١٦ ؟
ج: هو مصطفى محمد النبوي مصطفى الملأ موظف الحسابات .
س: وهل تتهمي المدعو / مصطفى المله بثمة إتهام ؟
ج: لأ انا مش بتهمه بحاجه
س: وما هو قصد المتهمين من إرتكابهم لتلك الواقعة ؟
ج: قصدهم انهم يسرقوني .
س: كيف وقفتي على ذلك القصد تحديداً ؟
ج: عشان هما اللي سرقوني .
س: وما هي طبيعة العلاقة تحديداً فيما بينك وبين بالمتهمين تحديداً ؟
ج: عمر صديقي انا وجوزى من زمان وعشرة بقالنا أربعة عشر سنه وعنتر عرفته لما عمر اللي جابوا البيت .
س: هل من ثمة خلافات فيما بينك وبين المتهمين ؟
ج: مفيش بينا خلافات .
س: وما هو اسم وبيانات مدير امن البرج السكنى الشمالي الفورسيزون ؟
ج: هو اسمه يسري طه .
س: مطلوب منك تبليغ كلا من :۱- خالد يوسف - المخرج السينمائي - ۲- مصطفى محمد النبوي مصطفى المله - محمد إبراهيم بدوي -٤ يسري طه - مدير امن البرج السكنى الشمالي الفورسيزون للحضور السراي النيابة للادلاء بأقوالهم بالتحقيقات ؟
ج: انا مستعدة لذلك وهبلغهم.
ملحوظة :- حيث قدمت لنا الحاضرة عدد ثلاثه وعشرون صورة ضوئية من صور ملتقطة من دفتر الأحوال الخاص بأمن البرج السكنى فور سيزون الخاص بالوحدة السكنية الخاص بها وقمنا بالتأشير عليهم بما يفيد النظر والارفاق بتاريخ اليوم .
جوجل نيوز
واتس اب
جوجل نيوز
