أحمد شيبة يوجه رسائل لـ 4 نجوم.. تعرف عليهم

تحدث المطرب الشعبي أحمد شيبة، خلال برومو أحد البرامج عن خلافه مع المطرب عمر كمال قائلا: «أنا زعلان معاه، يجيلي ويعتذرلي».

وقال أحمد شيبة، في تصريحات لبودكاست «بالمايك والقلم»: بحب عمرو دياب، وبطلب منه أنه يهدى شوية وكفاية حفلات كل يوم، مؤكدا على أنه الفنانة شيرين عبدالوهاب أحلى صوت دي الكوكب، وبطلب منها ترجع لأنها وحشتني أوي، فيما أكد على أن أحمد عدوية سلطان الطرب الشعبي، وكل الفنانين بتغني له.

كان قد كشف نجل احمد شيبة حقيقة وجود خلاف بينه وبين والده، وقال عبر إنستجرام: "في ناس فاكرة إن في مشاكل بيني وبين أبويا.. أو أنا زعلان منه أما التراب اللي بيقع من الجزمة بتاعت أبويا فوق راسي وانا بتباهى بيه وعمري ما كان في زعل بيني وبين أبويا كل ده هزار انا راجل متربي وصعيدي وابن حلال، انا شوفت أبويا بيبوس ايد أبوه ورجل ابوه وبيحترم أبوه عمره في حياته ما على صوته على ابوه وعمره ما قل أدبه على أبوه".

وأضاف: «انا كنت خاطب وعندي 22 سنة ابويا اداني 5 أقلام وكان في الشارع وكل الناس واقفه عشان كنت بتخانق وانا ليا وضعي في المنطقة وأقسم بالله العظيم ما بصتله بصة أبويا مليش غيره في الدنيا ونفسي ربنا يكرمني واقعده من الشغل واريحه عشان اتبهدل وشقي.. ياريت فيه اتنين من أبويا».