«يارب اجمعني بها في الجنة».. خالد الصاوي عن جدل وفاة كلبته: «كنت بعتبرها بنتي»

علق الفنان خالد الصاوي، على الجدل الذي أثاره مؤخرًا على مواقع التواصل الاجتماعي بعد نعيه كلبته «كيم»، داعيًا بأن يجمعه الله بها في الجنة «يارب اجمعني بها في الجنة».

وقال الصاوي خلال حواره ببرنامج «كلام الناس» على قناة «Mbc مصر»، الجمعة، إنه يعتبر الكلبة «كيم» بمثابة ابنته، مشيرًا إلى أنه لم ينجب.

وأضاف: «دي كانت بنتي، كنت بعتبرها بنتي، أنا مخلفتش، الحمد لله على شيء، كان عندي في وقت من الأوقات 9 كلاب، كيم حبيبة قلبي، الله يرحمها كان عندها القلب، فلازم كانت العين عليها دايمًا».

وتابع: «وفي كلب اسمه ميكي، لما مات قعدت أعيط عليه 3 أيام، لو حد هيفتكر إني كده فرفور براحتك، كنت زمان بتضايق جدًا من اللي بيقول إن الكلاب أوفى من البنى آدمين».

وأكمل الصاوي: «لكن رأيي تغير لما اكتشفت إن الإنسان مش حلو أوي كده، وبتاع مصلحته، بينما الكلاب مش كده، ممكن تدخل عشانك خناقة ومستعدة تموت علشانك».