نشرتها بفلتر.. أول تعليق من ستينية على صورتها بالمكياج بعد إثارتها للجدل على مواقع التواصل(خاص)

انتشر على مواقع التواصل الاجتماعي، صورة لسيدة مع ميكآب أرتيست وأثارت الكثير من التساؤلات بعد تغير ملامحها وإظهارها شابة في العشرينات.

وتواصل موقع “بصراحة” مع الحاجة سميرة صاحبة الصورة وقالت في تصريحات خاصة: «أنا من سوهاج وعايشين في الجيزة وعندي 65 سنة وجوزي متوفي من 4 سنين ومكنتش بلبس غير الأسود في كل الأفراح، ولكن اللي حصل إني كنت نادرة نذر لما بنت ابني تتخطب هغير الأسود».

وتابعت: «لما جابوا الميكآب أرتيست البيت للعروسة فهى قالتلي أنا هعملك ميكآب أرتيست زيي وأنا من الفرحة عملت، واللي عملتلي الميكب قالتلي أنا هصورك عشان بيبقى دعاية للمكان بتاعي والناس بتجيلي عن طريق شغلي اللي بعرضه للناس».

وأضافت: «اتفاجئت بعد كده إن صوري اتنشرت وبقت على النت وأنا معرفش النت ومليش فيه لكن عرفت عن طريق ولادي وأحفادي، والحقيقة إن اللي صورتني كانت عاملة فلتر علشان كده الصورة متغيرة وأنا مصورة بموبايلي مش نفس الشكل اللي نزلته صاحبة الكوافير».