خالد أبو بكر يرد على رئيس الزمالك: لو باليفط كنا حطينا علي الدولار يافطة ونقول انه ب ٣ جنيه

علق المحامي الدولي والإعلامي خالد أبو بكر، على التصريحات أدلى بها رئيس نادي الزمالك فيما يخص التصريح " الزمالك أكبر قلعة رياضية في مصر". 

ونشر أبو بكر عبر صفحته الخاصة على موقع التواصل الاجتماعي "فيس بوك":" أكبر قلعة رياضية في مصر !! لو باليفط كنا حطينا علي الدولار يافطة ونقول انه ب ٣ جنيه". 

انفعل حسين لبيب، رئيس نادي الزمالك على الهواء، بسبب الحملة التي حدثت قبل مواجهة الأهلي في السوبر الأفريقي، للتقليل من القلعة البيضاء.

وقال حسين لبيب في تصريحات عبر قناة «أون تايم سبورتس 1»: «الماتش ده بنرد بيه على أي حد بيتكلم عن نادي الزمالك».

وأضاف: «احنا عندنا لاعبين عظماء، زيزو، شيكابالا، عبدالله السعيد، الأسماء دي يتقال هينزلوا ياخدوا 3 و4 ليه بنلعب فين؟!، كلام لا يصدق».

وأكمل: «كانت حملة ممنهجة. مليش دعوة من مين، وأنا ببقى فخور إن يكون في حملة زي دي ونطلعها إنها حملة سلبية، الزمالك هو أكبر قلعة رياضية في مصر، واللي مش معترف بده مبيفهمش في الرياضة».

وزاد: «بعد كدة مش هسكت لحد وكل اللي شكك في الزمالك ظهر على حقيقته، واللي مش عاجبه كدة يمشي ومش هنخليه موجود في الرياضة».

وتابع: «أنا مش بحب المغرض يتكلم، أي حد من حقه يتكلم، إنما المغرض أنا اللي بتكلم عليه، وقولت للاعيبة أنا بحبكم وأثبتوا للشعب المصري إنكم الافضل في مصر».