أم خالد قبل أيام من انفصالها: جبتلي الضغط .. مبتصالحش بورد

أعلنت البلوجر الشهيرة أم خالد انفصلها عن زوجها محمد، شاركت جمهورها فيديو عبر حسابها الشخصي على منصة تداول الصور والفيديوهات إنستجرام، توضح حقيقة انفصالها عن زوجها، وذلك بعد تداول العديد من المنشورات عبر حسابات مُستخدمي منصات التواصل تفيد بالانفصال.

انفصال البلوجر أم خالد

وظهرت البلوجر أم خالد في فيديو عبر حسابها الرسمي بموقع تبادل الصور والفيديوهات، قبل أيام من انفصالها:" وقالت فيه:" جبتلي الضغط وعجزتني قبل أواني يا شيخ .. مبتصالحش بورد خلاص أنا كبرت على الكلام ده".

وتابعت :" أنا كنت وردة مفتحة .. حركات السيكي بيكي دي مبتاكلش معايا .. راجع ليه من تانى .. عايز إيه انسانى، اللى بتتكلم عنه ماضى وعدى وزمنه راح .. حب ده إيه بكفايه .. حبك قتلته جوايا.

سبب انفصال البلوجر أم خالد

وقالت أم خالد عبر الفيديو: الفترة الأخيرة كان فيه مشاكل بيني وبين زوجي محمد، وأنا مش بتاعة ترندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة.

وأوضحت أم خالد: احنا نصيبنا خلاص انتهى ووقف لحد هنا.. وليه مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش  فيه أنا وعيالي خالد وريان.

واختتمت: مش عايزة منكم غير دعوات بـ إن ربنا يقويني على تربية عيالي، ويا رب أشوفهم أحسن الناس، ومتقعدوش كل شوية تكتبولي تعليقات سلبية.. أنا مش عايزة أكون مُكتئبة، وهو ده نصيبي.. اللي من نصيبك هيصيبك، أنا مؤمنة وبصلي وعارفة ربنا كويس.