أول تعليق من البلوجر أم خالد بعد انفصلها عن زوجها :"بدوّر على بيت أعيش فيه أنا وعيالي"

أعلنت البلوجر الشهيرة أم خالد انفصلها عن زوجها محمد، شاركت جمهورها فيديو عبر حسابها الشخصي على منصة تداول الصور والفيديوهات إنستجرام، توضح حقيقة انفصالها عن زوجها، وذلك بعد تداول العديد من المنشورات عبر حسابات مُستخدمي منصات التواصل تفيد بالانفصال. 

وقالت أم خالد عبر الفيديو: الفترة الأخيرة كان فيه مشاكل بيني وبين زوجي محمد، وأنا مش بتاعة ترندات، ومش محتاجة أعمل تريند عشان أجيب مُشاهدات، وعمري ما كنت أتخيل إني أطلع أقولكم كدة. 

وأوضحت أم خالد: احنا نصيبنا خلاص انتهى ووقف لحد هنا.. وليه مني كل التقدير والاحترام، لأني مشفتش منه غير كل حب وخير، ودلوقتي بدور على بيت تاني عشان أعيش  فيه أنا وعيالي خالد وريان.

واختتمت: مش عايزة منكم غير دعوات بـ إن ربنا يقويني على تربية عيالي، ويا رب أشوفهم أحسن الناس، ومتقعدوش كل شوية تكتبولي تعليقات سلبية.. أنا مش عايزة أكون مُكتئبة، وهو ده نصيبي.. اللي من نصيبك هيصيبك، أنا مؤمنة وبصلي وعارفة ربنا كويس.