أحمد موسى: إللي يفوت من حدودنا يموت محدش يهزر مع جيش مصر

أكد الإعلامي أحمد موسى، أن مصر تمتلك أقوى جيش في المنطقة والجميع يخشانا، مؤكدا على أن الدولة على أتم الاستعداد والجاهزية التامة لأن الأمور في الوقت الحالي مرتبكة ومقلقلة.

على مسئوليتي

وتابع «موسى» خلال تقديم برنامج "على مسئوليتي" المذاع على قناة “صدى البلد”: "جيشنا العظيم يحمى أرضنا وحدودنا.. وأقولكم كلمتين: إللي يفوت من حدودنا يموت"، مضيفا: "الجيش مبيهزرش ورسايل جيشنا رايحة للعالم.. محدش يهزر مع جيش مصر.. كل اللي في المنطقة لهيب، والضعيف ملهوش مكان.. تخيل لو معندناش التسليح.. كان هيبقى وضعنا ايه ؟".

محدش يقدر يجيب سيرة مصر

وأكد الإعلامي أحمد موسى، على أن الجميع يعي تماما كل ما تمتلكه مصر من قوة، معلقا: محدش يقدر يجيب سيرة مصر تاني، اللي أنا بقوله مش لازم أفسره، مفيش واحد ميقدرش يتكلم عن مصر إلا بالخير من أي دولة من أي اتجاه أو أي كيان".

جيشنا مبيهزرش

وذكر أحمد موسى: جيشنا مبيهزرش ومحدش يهزر مع مصر أبدا وكله عارف كده، لأنه اللي هيعدي حدودنا هيموت، لازم نفخر كل يوم بجيش مصر حامي بلادنا وحدودنا وعندنا سلاح، والردع موجود، ولا أحد أبدا يقدر يجيب سيرة مصر، ودي رسائل رايحة لحد بطلوا تتكلموا على مصر إلا بالخير وبشكل إيجابي.