لعنة نسل الأغراب تستمر .. فنانة شاركت بالمسلسل تفتح النار على محمد سامى : شتمنى وبنتى موجودة فى اللوكيشن

كشفت الفنانة مريم سعيد صالح، الطريقة التى يتعامل بها المخرج محمد سامي مع الفنانين داخل اللوكيشن، وذلك بعد قرار الشركة المتحدة للخدمات الإعلامية، بوقف التعامل مع محمد سامي.

وشاركت مريم سعيد مع محمد سامي فى مسلسله الأخير "نسل الأغراب" والتى جسدت خلاله شخصية "بستان"، وتحدثت عن طريقة محمد سامي فى التعامل أثناء التصوير ردًا على احدى التعليقات عبر حسابها على موقع التواصل الإجتماعي "فيسبوك"، وقالت فيه:" احنا كنا بنتشتم ونتهزق فى اللوكيشن ونسكت علشان لقمة العيش".

وتابعت فى تعليق أخر:" سكت وكتمت علشان أدفع جامعة ولادي وأتشتمت قدام أكثر من 700 نفر وبنتي سمعت شتيمة أمها بودنها".

وأخر منشور لها على فيسبوك كتبت مريم:" عارفين ايه سبب سخط البعض ع البعض في وسطنا الفني ياسادة؟، قلة الشغل والناس اللى مش لاقية فرصة عمل وبتشحت فى بيوتها وماحدش دريان بيها".

وأضافت:" أنا مش ناسية اللايف اللى عملته وبكيت وصعب عليا نفسي وانا قاعدة بدون عمل ومحووجة وعليا ديون ومش لاقية ادفع جامعات ولادي وقعدوا جنبي فى البيت".

وطالبت بتقليل أجور النجوم، واعطاء فرصة للصفوف الأدني من الفنانين، إعمالا بمبدأ تكافؤ الفرص، متابعة:" شغلوا الناس وبلاش الكاستات اللى بتاخدوها هى هى معاكم كل الأعمال غيروا الناس والوشوش جربوا ممثلين تانيين".