أنغام: «الجمهور الحقيقي اللي بيحضر الحفلة اللايف»

عبرت الفنانة أنغام عن سعادتها بتفاعل الجمهور مع ألبومها الجديد "تيجي نسيب" في حفلها ضمن حفلات موسم جدة، الذي أقيم مساء الجمعة 13 سبتمبر على مسرح عبادي جوهر.

ألبوم أنغام الجديد "تيجي نسيب"

وقالت أنغام في المؤتمر الصحفي على هامش الحفل: "الجمهور بيغني من أول دقيقة أنا مكنتش مصدقة بيغنوا الألبوم كله معايا أنا مكنتش مصدقة وطايرة من الفرحة بسبب استقبال الجمهور للألبوم الجديد والأغاني".

الجمهور الحقيقي

وتابعت أنغام: " دا بيأكد أن الجمهور الحقيقي هو الجمهور اللي بيحضر الحفلة اللايف مش أي حاجة تانية في الدنيا اللي أنا شفته النهاردة هو دا الحقيقة وهو دا النجاح اللي أنا بعتز بيه وبفتخر بيه وهو اللي بيشهد من غير كلام كتير".

الذكاء الاصطناعي

وكشفت أنغام عن رأيها في الذكاء الاصطناعي وقالت: "أنا مش عاجبني موضوع الذكاء الاصطناعي ومش هحبه ومش ناوية أحبه، إنما الفنانين الجداد والأصوات الجديدة كلنا بنفرح وبنرحب بيهم أنا شخصيا ببقى في قمة السعادة لما في مصر بيطلع صوت جديد شاعر جديد ملحن جديد، أنا معايا في الألبوم 3 بنات شاعرات كاتبين 3 أغاني وأنا سعيدة بيهم".