في مؤامرة معمولة عليا عشان أقعد في البيت.. أبرز تصريحات شيرين عبد الوهاب مع عمرو أديب
![شرين عبد الوهاب شرين عبد الوهاب](https://media.besraha.com/2024/8/large/27631884065927202408240131473147.jpg)
تصدر اسم الفنانة شرين عبد الواهاب ترند محرك البحث "جوجل" خلال الساعات القليلة الماضية، وخاصة بعد تصريحتها القوية عن أزمتها مع شركة "روتانا" للإنتاج الفني، عبر مداخلة هاتفيه مع الإعلامي عمرو أديب فى برنامج الحكاية.
وأجرت الفنانة شيرين عبد الوهاب مداخلة هاتفية مساء أمس الأحد مع الإعلامي عمرو أديب فى برنامج الحكاية، والتي كشفت فيها تفاصيل أزمتها مع شركة روتانا للإنتاج الفني، خاصة بعد قيام شركة روتانا بحذف أغانيها عبر المنصات الغنائية.
وانفعلت الفنانة على الهواء أثناء حديثها عن الشرط الجزائي والتعويضات للشركة، حيث قالت: “شغلي مش هدية لحد ده رزقي ورزق عيالي، مش كفاية واخدين منى 8 مليون جنيه بالغلط، دي فلوس عيالي يافندم”.
وأضافت شيرين: “آخر تليفون حصل بينى آنا وتوني سمعان، لما يئست من الدنيا واللى فيها، وكلمته قولتله قول للأستاذ سالم ياخد كام ويحل عنى وترد عليا خلال 24 ساعة، رجع برد يحرق الدم ومتفقين عليا، قالي استاذ سالم بيقولك عايزين الشرط الجزائي وتعويض، ونولت الأغاني ومش هتكلم عنها”.
وتابعت في مداخلتها الهاتفية مع عمرو أديب: "تواصلت مع توني سمعان موزع روتانا، وطلبت منه أن يأخذ منها الأغاني، ولكن رفضوا استلام الأغاني".
شيرين عبدالوهاب: "روتانا عايزة شيرين عبدالوهاب حصري في الحفلات"
وقالت شرين “مش عايزين يستلمو الأغاني، عايزين شيرين عبدالوهاب حصري، مهما روتانا عملت هنزل الأغاني على البوتاجاز، والنجاح اللى أنا فيه دلوقتى الفضل فيه يعود للناس”.
وأضافت: "الفلوس اللي هما دافعينها لي، أنا باخدهم في حفلة، عشان كده هما عايزين شيرين حصري لحفلات اللايف".
وأوضحت شيرين: “الأغاني كانت جاهزة وخلصانة مسلموهاش ليه، قسما بالله أن روتانا امتنعت عن استلام الأغاني، عشان عايزين شيرين حصري في الحفلات وده مكنش اتفاقنا يا أفندم”.
شيرين عبدالوهاب: “فيه مؤامرة معمولة عليا عشان أقعد في البيت”
وأكدت: “فيه مؤامرة عليا عشان أقعد في البيت، وصوتي مش هينقطع أبدا»، مضيفة: «هفضل أغني وهفضل راكبة القطر بتاعي، ومفيش حد هيقدر يوقفه، أنا سكت كتير”.
. وأوضحت شيرين: "بناقش القضاء المصري زي ما اتحكم لهم بالغلط أنهم ياخدوا مني 8 مليون جنيه لكن مش مشكلة أنا فلوسي كتيرة"، متابعة: «بناشد القضاء المصري أن القضايا اللي رفعاها يتحكم فيها بسرعة".
شيرين عبدالوهاب: “أنا فلة شمعة منورة”
وواصلت: “أنا فلة شمعة منورة، وأنا ماضية دلوقتي مع شركة ربنا، وهو اللي ممشيني ومنجحني وواقف معي وأنا لا أحتاج شركات، ومبسوطة كدا، والكل يلزم حده ومحدش يجيب سيرتي أنا فنانة كبيرة”.
مضيفة: “ربنا يخلي جمهوري ليا اللي بيعمل كل ده ليا، من غير شركات، أنا مش هبقى حصري لحد تاني”.
وتابعت: “دفعت لنصر محروس من 15 سنة 3 ونص مليون جنيه دفعتهم شرط جزائي ومشيت، والكل يلزم حده ومحدش يجيب سيرتي”.
وأكملت شيرين: “جمهوري كبير أوي أوي، وهو اللي هيوقف لهم، وكل الناس اللي تكلموا مبصوش في ورقة”.
شرين عبد الوهاب: “ قلبي وجعني من كتر السعادة”.
علقت الفنانة شيرين عبد الوهاب، من خلال مداخلة هاتفية مع برنامج الحكاية من تقديم الاعلامي عمرو اديب، لأول مرة على أزمتها مع طليقها الفنان حسام حبيب.
وقالت شيرين عبد الوهاب:" كل حاجة انتهت وربنا يكرمه ويوقفه ويسعده ، ويسعدني انا كمان، رغم ان قلب واجعني من كثرة السعادة التي شعرت بها بسبب نجاح الأغاني التي قدمتها خلال الأيام الماضية ".
شيرين عبدالوهاب: “أنا نفسي أجرب سجن النساء”
كشفت الفنانة شيرين عبدالوهاب تفاصيل وكواليس خلافها مع شركة روتانا. وقالت في نهاية مداخلتها مع الإعلامي عمرو أديب في برنامج الحكاية: «جمهوري كبير أوي أوي، وهو اللي هيوقف لهم، وكل الناس اللي تكلموا مبصوش في ورقة». وتابعت: «يا ريت تخليني أقفل، عشان مش عايزة أقول حاجة تخليهم يمسكوا عليا حاجة، وأنا سجن النساء وحشني جدا، ونفسي أجرب تجربة سجن النساء دي». ليرد عليها الإعلامي عمرو أديب قائلا: «هو أنتي ناقصة يا بنتي، سجن إيه يا شيرين، ليه ده كله؟ أنتي ممكن تبقى ملكة زمانك وتعملي فلوس قد كده».