«بتشرف بوجودي في الاتحاد».. حسام حسن يكشف حقيقة عرض بيراميدز

كشف حسام حسن، المدير الفني لفريق الاتحاد السكندري، حقيقة العرض المقدم من نادي بيراميدز، لتولي القيادة الفنية للفريق خلفًا للمدرب الأرجنتيني أروا برينا، في تصريحات صحفية عقب مباراته أمام الزمالك، مشيرًا إلي أنه يشرف علي تدريب فريق كبير.

وقال حسام حسن، الأخبار المتداولة حول عرض بيراميدز، في المؤتمر الصحفي عقب المباراة:"أنا ملتزم مع نادي الاتحاد حتى لو فيه عرض رسمي أو حد كلمني من الفريق وأنا عقدي مع الاتحاد لمدة موسم، وأنا بتشرف بوجودي في الاتحاد".

اقرأ أيضًا:

خاص| «السبب مفاجأة».. حسام حسن يرفض عرضًا لقيادة بيراميدز

وتابع العميد: «الاتحاد السكندري فريق كبير ويلعب على المكسب، بحب أن أحقق دائمًا نتيجة إيجابية، والفرقة الكبير لازم يكون فيها توازن دفاعي وهجومي وأى فرريق أقوم بتدريبه يحقق انتصارات وتعبت من التعلقيق على التحكيم».

وواصل: «أنا أول مرة أشوف فرقة بتلعب كل 48 ساعة حتى في أوروبا مفيش فرقة بتلعب كده والبروتوكول بتاع الكورونا بيأخذ 14 يوما إجازة أما لاعيب الكرة ياخد فترة إعداد قد إيه احنا لعبنا المقاصة باللاعيبة دي اللي كانت مصابة، اللاعيبة كانت محتاجة إعداد بدني لأن الفيروس بيهد الجسم!، بشكر لاعبتي لأن التيم اللي لاعب المقاصة كلهم كان عندهم كورونا».

واختتم تصريحاته قائلًا:«عندنا 4 مباريات وأنا بحاول أجتهد، رغم ظروف المرض هدفي إن الفرقة تكون موجوده في مكان يليق بنادي الاتحاد مش على أنها تليق بحسام حسن أو جهازه ومحمد صبحي إضافة كبيرة وجاي من نادي كبير هو الزمالك، هو مش بيلعب بالصدفة هو بيلعب بمجهودع وإمكانياته، وعماد السيد مسحته جات سلبية من يومين».