الدنيا موقفتش.. رسالة دعم من كزبرة لطلاب الثانوية العامة بعد النتيجة

تحدث الفنان أحمد بحر، المعروف باسم "كزبرة"، عن تجربته الشخصية مع نتيجة الثانوية العامة، مشيراً إلى أن هذه الفترة كانت من أصعب الأوقات في حياته.

 كتب كزبرة عبر خاصية القصص القصيرة على إنستجرام: "يوم النتيجة بيفكرني بأصعب أيام حياتي زي النهاردة أنا كنت جايب 67% في الثانوية عامة وساعتها المجموع ده مكنش أحسن حاجة وقولت الحمد لله وساعتها قولت أنا هفضل مركز في الحاجة اللي بحبها ومحدش كان مصدقني وأقرب الناس ليا ودعيت ربنا إنه يكرمني وميأستش".

السعي وراء الحلم

أكد كزبرة أنه لم يستسلم رغم الانتقادات والصعوبات التي واجهها. قال: "الحمد لله وصلت لأول سلمة من حلمي السنة دي بعد ما اتمرمط سنين وانتقادات توصل الواحد إنه ينتحر فأنا حابب أقولكم إن الدنيا حلوة وربنا أكيد ليه حكمة في اللي بتحصل وبيدي كل واحد على قد تعبه فمحدش ييأس والدنيا موقفتش وتقدر تثبت لنفسك ولكل اللي حواليك إنك تقدر تنجح وربنا يكرم الجميع".

رسالة تحفيزية

اختتم كزبرة رسالته بكلمات تحفيزية للطلاب الذين يواجهون نتائج غير مرضية.

 أشار إلى أهمية الإيمان بالنفس والسعي لتحقيق الأحلام بغض النظر عن العقبات. قال: "بالنسبة للناس اللي نجحت وجابت مجموع اللي نفسها فيه مبروك وربنا يكتب للجميع الخير والنجاح الدايم".