شهد أمجد الأولى على الثانوية الأزهرية من فلسطين: بيتنا من أول البيوت اللي اضربت في الحرب ونفسي أكون زي مجدي يعقوب (صور)

تحدثت شهد أمجد، الأولى على الثانوية العامة الأزهرية، عن حصولها على المركز الأول وسر تفوقها، رغم بداية معاناتها في غزة بسبب أحداث الاحتلال الإسرائيلي. 

وقالت شهد في تصريحات خاصة لـ موقع بصراحة:" اضطريت أمشي من غزة وأسافر القاهرة علشان القصف،   منزلنا من أول المنازل اللي اضربت في الحرب بفلسطين". 

وأضافت:"في ناس كتير ماتت من أسرتي علشان كده سافرت للقاهرة، مقدرتش أكمل دراسة في غزة وعوضت بالدورس الخصوصية". 

وتابعت:" كل الكتب بتاعتي راحت في الحرب لكن تغلبت على الظروف الصعبة، والأزهر مسبناش ولا لحظة من أول السنة لحد الامتحانات". 

واختتمت:" بشوف الدكتور مجدي يعقوب مثلي الأعلى ونفسي أكون زيه".