شاهد| وزير الرياضة يحرج خيري رمضان بسبب زيزو في أولمبياد باريس 2024

أحرج أشرف صبحي، وزير الشباب والرياضة، الإعلامي خيري رمضان على الهواء بعد محاولته إثارة صبحي ضد أحمد مصطفى “زيزو”، نجم نادي الزمالك، والمشارك حاليًا مع المنتخب الأوليمبي في أوليمبياد باريس 2024.

وقال صبحي، خلال مداخله هاتفية عبر برنامج خيري رمضان على قناة” المحور”:” لقطة زيزو؟ الموضوع بسيط مش محتاج التضخيم ده وكل اللعيبه بتتعامل معايا كأني اخ اكبر ليهم “.

وتابع:” في لعيبه بتبقى لسه بتغير ولسه قالعه وبتلبس، وانا بتعامل في الأمور دي عادي لأني أنا اللي دخلت عليهم غرفة خلع الملابس، وبقصد الف على واحد واحد علشان اسلم عليه”.

وزير الرياضة يحرج خيري رمضان

وشدد صبحي:” زيزو لاعب كبير وجه يدعم المنتخب الأوليمبي رغم كل شئ، وهو النني يستحقوا مننا دعمهم “.

وهنا تدخل خيري رمضان قائلا: خلاص هعديها يا سيادة الوزير، بس ميصحش برضوا يكون قاعد وحضرتك بتمثل الدولة المصريه واقف”.

ليرد أشرف صبحي :” زيزو لاعب كبير والأهم حاليا هي مباراة إسبانيا لأنها مفتاح التأهل إلى الدور الثاني والكل يكون مركز فيها وخلف المنتخب المصري”.