عمر كمال: عايز أتجوز من غير خلفة .. مش فاضي أربي

أعلن مطرب المهرجانات عمر كمال خلال لقائه ببرنامج "حد النجوم" المذاع على القناة الأولى، عن رغبته في الزواج من امرأة تكون شغلتها الوحيدة في الحياة هي حبه، 

مشددًا على أنه لا يريد زوجة عاملة. وقال: "لو هاتجوز هبقى عايز واحدة شغلتها في الحياة بتحبني مش عايز الست العاملة، تكون متفرغة ليا".

رفض فكرة الإنجاب

وأكد عمر كمال أنه لا يرغب في إنجاب الأطفال بسبب المسؤوليات الكبيرة التي تأتي مع التربية، قائلاً: "أنا عايز أتجوز بس ميكونش عندي عيال، الخلفة مسئولية تقيلة ووجع قلب ومش هاعرف أربي". 

وأضاف: "مش فاضي أربي ولا هاعرف أربي هكون أب حنين أوي وهبوظ الولد ومش هعرف اخد معاه موقف وعلشان كده لو اتجوزت مش عايز أخلف".

سهولة الانفصال

وأشار كمال إلى أنه يفضل عدم إنجاب الأطفال حتى يسهل عليه الانفصال إذا لزم الأمر، مبررًا ذلك بطبيعته المزاجية وعدم استقرار حالته النفسية. 

وأوضح: "أنا مش عايز أخلف عيال علشان لو حبيت أنفصل يبقى الانفصال بسهولة، في دماغي إن محدش ممكن يكمل معايا للاخر لإني شخص مزاجي وكل يوم بصحى بحال وممكن أغنية أكون منزلها متنجحش يبقى مزاجي زي الزفت واتضايق وممكن أكسر وأزعق وكسرت قبل كده وزعقت وفيه حد اتأذي وبضطر أعتذر وأشتري حاجة ذهب".