نجوى فؤاد: الرقص مش حرام وإضافة كبيرة في تاريخي إني أبقى رقاصة

كشفت الفنانة نجوى فؤاد، عن رأيها في الرقص الشرقي الموجود حاليًا في مصر، كما أوضحت أن لقب راقصة يعد إضافة كبيرة في تاريخها ومشوارها .

وقالت نجوى فؤاد، في تصريحات تلفزيونية :«أنا مش راضية عن الرقص الشرقي دلوقتي، لكن أيقونة الرقص الشرقي دي بتعني لي كثير لأن أنا لما يتحط في الـc.v بتاعي إني راقصة دي إضافة كبيرة».

وأضافت عن الراقصات الأجنبيات: «الروسيات والأوكرانيات الدخيلات على الرقص الشرقي شئ مرفوض علشان لبسهم عاري، لكن في راقصات زي فيفي عبدة ودينا أنا بحبهم، ودينا بدأت تحتشم في لبسها».

وتابعت: «أنا لما بشوف راقصات لابسين عريان بقول دا حرام، الناس بدأت تقول على الرقص حرام دلوقتي، مكنوش بيقولوا الكلمة دي على أيامي لأن لبسنا كان محتشم».

آخر أعمال الفنانة نجوى فؤاد

يذكر أن مسلسل «تلت التلاتة»، وهو آخر أعمال نجوى فؤاد، الذي عُرض في عام 2023، بطولة كل من الفنانة غادة عبدالرازق، مي سليم، الراحل مصطفى درويش.